బంగాళా దుంప వలన కలిగే ప్రయోజనాలు మరియు దుష్ప్రభావాలు

బంగాళా దుంప వలన కలిగే  ప్రయోజనాలు మరియు దుష్ప్రభావాలు 



బంగాళాదుంపలు ప్రపంచంలో అత్యంత సాధారణమైన మరియు ప్రసిద్ధ కూరగాయలలో ఒకటి. బంగాళాదుంపల వినియోగం తాజా మరియు ముడి బంగాళాదుంపల నుంచి ఫ్రెంచ్ ఫ్రైస్, చిప్స్, స్టిక్స్, మరియు పురీ వంటి క్రమికంగా (ప్రాసెస్) చేయబడిన ఉత్పత్తుల వరకు వ్యాప్తి చెందింది. బంగాళాదుంపకున్న విభిన్న ఉపయోగాలు దానికి సముచితంగా "కూరగాయల రాజు" అనే బిరుదును సంపాదించిపెట్టాయి. బంగాళా దుంపను హిందీలో “ఆలూ” అని, ఆంగ్లంలో ‘పొటాటో’ అని పిలుస్తారు. తెలుగులో దీన్ని “ఉర్లగడ్డ” అని కూడా పిలుస్తారు.

బంగాళాదుంప భూగర్భ పంట, అంటే అవి భూమి పైన ఆకులు మరియు కొమ్మలతో విస్తరించి నేలలోపల గడ్డగా పెరుగుతాయి. వృక్షశాస్త్రజ్ఞుల ప్రకారం, బంగాళదుంపలు తినదగిన దుంపలు లేక గొట్టంలాంటి గడ్డలు, అంటే ఇవి బంగాళాదుంప మొక్క యొక్క కండగల కాండం అని అర్థం. బంగాళా దుంప యొక్క ఉత్తమ అంశం ఏమంటే వీటిని పండించడం సులభం మరియు ఏడాది పొడవునా ప్రపంచవ్యాప్తంగా అందుబాటులో ఉంటాయి. నిజానికి, బంగాళాదుంపలు ప్రపంచంలో నాల్గవ అతిపెద్ద గడ్డ దినుసు ఆహార పంటలు. బంగాళాదుంపలు ప్రత్యేకమైన ప్రధానమైన పంటలు (staple crop), దీనిలో కూరగాయలకు  సామాన్యంగా ఉండే బంక, గంజి మరియు పిండిపదార్థ గుణాన్ని కలిగివుంటాయి. క్రీ.పూ 8000 నుండి సుమారు క్రీ.పూ 5,000 వరకు పెరూలోని ‘ఇంకా ఇండియన్లు’ అనే దక్షిణ అమెరికన్ ఇండియన్లు మొట్టమొదట బంగాళా దుంపను పండించారు. బంగాళాదుంపను స్పెయిన్ దేశస్థులు 16 వ శతాబ్దంలో ఐరోపాకు తీసుకువచ్చారు. ఆసక్తికరంగా, ప్రపంచంలో 4 నుండి 5 వేల రకాల బంగాళాదుంపల రకాలున్నాయి.

నీరు మరియు కార్బోహైడ్రేట్లను పుష్కలంగా కల్గిన  బంగాళదుంపలు రుచికరమైన వంటకాలకు పనికి వస్తాయి. తక్కువ కార్బ్ ఉన్న ఆహారాల వైపు ప్రజలు మొగ్గు చూపుతున్న కారణంగా, బంగాళాదుంప యొక్క ప్రజాదరణ గణనీయంగా పడిపోయింది. కానీ, అది మనకు అందించే విటమిన్లు, ఖనిజాలు, ఫైటోకెమికల్స్ మరియు పీచుపదార్థాలు (ఫైబర్లు) వ్యాధులను మన నుండి దూరంచేస్తాయి, అంతేగాక మరెన్నో ఆరోగ్య ప్రయోజనాలను మనకు చేకూరుస్తుంది.

బంగాళా దుంప వలన కలిగే  ప్రయోజనాలు మరియు దుష్ప్రభావాలు

బంగాళదుంపలు ప్రాథమిక వాస్తవాలు:


వృక్షశాస్త్రం (బొటానికల్) పేరు: సోలానమ్ ట్యుబెరోసం (Solanum tuberosum)
కుటుంబం: సోలనాసియా (Solanaceae)
సాధారణ పేర్లు: బంగాళదుంపలు, ఆలు
సంస్కృత నామం: ఆలుక్ (आलुक) (అలూకుం, āluḥ)
ఉపయోగించే భాగాలు: బంగాళాదుంప పై ఉండే తోలు/తొక్క, గడ్డ
స్థానిక ప్రాంతం మరియు భౌగోళిక పంపిణీ: బంగాళాదుంపల్ని మొదట పెరులో “ఇంకా” తెగవారు లేదా “ఇంకా ఇండియన్లు క్రీ.పూ 8,000 నుండి క్రీ.పూ 5,000  వరకు సాగు చేశారు. వీటిని 16 వ శతాబ్దం రెండవ భాగంలో, ఐరోపా ఖండంలో స్పెయిన్ దేశీయులు సాగుచేయడం ద్వారా ప్రవేశపెట్టబడ్డాయి. 1900 ల ఆరంభంలో, మాజీ సోవియట్ యూనియన్తో సహా అనేక ఐరోపా దేశాలు బంగాళాదుంపలను భారీ మొత్తంలో ఉత్పత్తి చేయడం మరియు దిగుమతి చేసుకోవడం జరిగేది. 1960 లలో ఆసియన్లు, ఆఫ్రికన్లు మరియు లాటిన్ అమెరికావాసుల్లో కూడా బంగాళాదుంప ప్రజాదరణ పొందింది. బంగాళదుంపలు ఇప్పుడు చైనా మరియు భారతదేశం చేత విస్తృతంగా ఉత్పత్తి చేయబడుతున్నాయి. బంగాళదుంపల అతిపెద్ద ఉత్పాదక దేశం చైనా.

ఆసక్తికరమైన నిజం: బంగాళాదుంపల ఫలదీకరణం తుమ్మెదల చేత చేయబడుతుంది. 
  • బంగాళాదుంప పోషణ వాస్తవాలు 
  • బంగాళదుంప ఆరోగ్య ప్రయోజనాలు 
  • బంగాళాదుంపల దుష్ప్రభావాలు 
  • ఉపసంహారం 




బంగాళాదుంప పోషణ వాస్తవాలు 

బంగాళాదుంపలు విటమిన్ సి మరియు పొటాషియం వంటి అనామ్లజనకాలు కలిగి ఉన్న విటమిన్లు మరియు ఖనిజాల యొక్క గొప్ప వనరు. ఇది విటమిన్ B6, మెగ్నీషియం మరియు ఫైబర్ (పీచుపదార్థాలు) యొక్క అద్భుతమైన మూలం. బంగాళాదుంపలో పొటాషియం పదార్థం అరటిలో కంటే ఎక్కువగా ఉంటుంది. విటమిన్ సి యొక్క రోజువారీ విలువలో సగం బంగాళాదుంపలోనే ఉంటుంది. బంగాళాదుంపలో గంజితో కూడిన పిండిపదార్ధం ఉండటం వల్ల దీన్లో కార్బోహైడ్రేట్లు అధిక మొత్తంలో ఉంటాయి. బంగాళాదుంపలో కేవలం 110 కేలరీలు మాత్రమే ఉంటాయి మరియు కొవ్వులు, సోడియం మరియు కొలెస్ట్రాల్ ఉండవు. తాజా బంగాళాదుంపలో నీటి శాతం 80% ఉంటుంది. శరీరానికి శక్తిని అందించే ఉత్తమ వనరులలో ఇదీ ఒకటి. బంగాళాదుంపల బంక-రహిత స్వభావం పాస్తా మరియు బ్రెడ్ (రొట్టె) వంటి కొన్ని తినుబండారాలకు బదులు తినదగిన పరిపూర్ణ కూరగాయ ప్రత్యాన్మాయం ఇది.

USDA న్యూట్రియెంట్ డేటాబేస్ ఆధారంగా, బంగాళాదుంప 100 గ్రాముల పరిమాణంలో కింది ఆహారవిలువలను కలిగి ఉంటుంది:

 పోషకపదార్థాలు:100 గ్రాములకు 

నీరు:79.25 గ్రా
శక్తి:77 కిలో కేలరీలు
ఫాట్స్ (కొవ్వులు):0.09 గ్రా
పీచుపదార్థాలు (ఫైబర్):2.1 గ్రా
చక్కెరలు:0.82 గ్రా

ఖనిజాలు (మినరల్స్):100 గ్రాములకు

కాల్షియం:12 mg
ఐరన్:0.81 mg
మెగ్నీషియం:23 mg
ఫాస్పరస్ :57 mg
పొటాషియం:425 mg
సోడియం:6 mg
జింక్:0.30 mg

విటమిన్లు

విటమిన్ B1:0.081 mg
విటమిన్ B2:0.032 mg
విటమిన్ B3:1.061 mg
విటమిన్ B6:0.298 mg
విటమిన్ B9:15 μg
విటమిన్ సి:19.7 mg
విటమిన్ కె :2 μg

కొవ్వులు / కొవ్వు ఆమ్లాలు:100 గ్రాములకు 

సంతృప్త కొవ్వులు (సాచ్యురేటెడ్):0.025 గ్రా
మోనోఅన్శాచ్యురేటెడ్:0.002 గ్రా
పాలీఅన్శాచ్యురేటెడ్:0.042 గ్రా


బంగాళదుంప ఆరోగ్య ప్రయోజనాలు 

ఆరోగ్యానికి కొన్ని ప్రధాన ప్రయోజనాలను చేకూర్చే ఓ అరుదైన ఆహారం బంగాళాదుంప. బంగాళాదుంపలు పీచుపదార్థాలు (ఫైబర్స్), పిండి పదార్ధాలు, ప్రోటీన్లు మరియు లెక్టిన్ల వంటి ముఖ్యమైన పోషకాలను కలిగి ఉంటాయి, ఇవి బంగాళాదుంపల యొక్క ఆరోగ్య ప్రయోజనాలకు దోహదపడే ముఖ్యమైన భాగమని చెప్పబడ్డాయి. శరీర బరువు నిర్వహణలో అలాగే చక్కెరవ్యాధి (డయాబెటిస్) ప్రమాదాన్ని తగ్గించడంలో బంగాళాదుంప సేవనం యొక్క తోడ్పాటును సాంక్రమిక వ్యాధుల అధ్యయనాలు సానుకూలంగా మద్దతు పలికాయి. బంగాళాదుంపపైన ఉండే పలుచని తొక్క (పీల్స్) కూడా ఆహార పీచుపదార్థానికి (ఫైబర్స్) ఓ గొప్ప మూలం, ఈ తొక్కను రొట్టె (bread) తయారీలో ఉపయోగిస్తారు. మనమిపుడు బంగాళాదుంపల ఆరోగ్య ప్రయోజనాలు కొన్నింటిని అన్వేషిద్దాం.

  1. బంగాళాదుంప శక్తిని (ఎనర్జీ) అందించే  ఒక ప్రధానమైన ఆహరం. దానిలో అధిక మొత్తంలో స్టార్చ్ ఉంటుంది. అది కార్బోహైడ్రేట్స్ లు  మంచి మూలకం. అంతేకాక దానిలో అధిక క్యాలరీ సాంద్రత ఉంటుంది అవి శరీరానికి శక్తిని అందిస్తాయి.
  2. బంగాళాదుంపలు అద్భుతమైన హైపోలిపిడిమిక్, కొలెస్ట్రాల్ను తగ్గించే ఏజెంట్లు. జంతు ఆధారిత అధ్యయనాలు బంగాళాదుంపలు ఉండే ఆహార విధానం రక్త కొలెస్ట్రాల్ స్థాయిలను తగ్గించాయని తెలిపాయి.
  3. బంగాళాదుంపలో స్టార్చ్ తో పాటుగా ఫైబర్, పోటాషియం, విటమిన్ సి వంటి పోషకాలు ఉంటాయి అంతేకాక కెరోటియినాయిడ్లు, ల్యూటీన్ మరియు జీయాజాంతిన్ వంటివి పిగ్మెంట్లు కూడా ఉంటాయి. ఇవి అన్ని గుండె ఆరోగ్యాన్ని పెంపొందిస్తాయి.
  4. బంగాళాదుంప యొక్క యాంటీఇన్ఫలమేటరీ చర్యల గురించి తెలుసుకోవడం కోసం అనేక అధ్యయనాలు నిర్వహించబడ్డాయి. ఇన్ వివో అధ్యయనాలు సిగరెట్ పొగ కారణంగా ఏర్పడిన ఊపిరితిత్తుల వాపు బంగాళాదుంపల సారాలు సమర్థవంతంగా తగ్గించగలవని సూచించాయి.
  5. బంగాళాదుంపలలో మెగ్నీషియం, ఐరన్, జింక్ మరియు ఫాస్ఫరస్ వంటి ఖనిజాలు ఉంటాయి అవి ఎముకల  ఆరోగ్యం మరియు ఎముకలకు బలాన్ని చేకూర్చడంలో ముఖ్య పాత్ర పోషిస్తాయి.
  6. బంగాళాదుంపలు అనేక యాంటీ-క్యాన్సర్ ఏజెంట్లను కలిగి ఉంటాయి. దీనిని నిర్దారించడానికి అనేక పరిశోధనలు కూడా నిర్వహించబడ్డాయి.ప్రయోగశాల ఆధారిత అధ్యయనాలు బంగాళాదుంప సారాలు రొమ్ము క్యాన్సర్ కణాల వ్యాప్తిని నిరోధిస్తాయని తెలిపాయి.
  7. బంగాళాదుంపలలో కార్బోహైడ్రేట్లతో పాటు అధిక శాతంలో విటమిన్ సి కూడా ఉంటుంది. స్క్యర్వి విటమిన్ సి లోపం వలన కలిగే రుగ్మత. బంగాళాదుంపలలో ఉండే విటమిన్ సి స్క్యర్వి ని తగ్గించేందుకు సహాయపడుతుంది.
  8. బంగాళాదుంపలలో విటమిన్లు, పోలీఫెనోల్స్ వంటి యాంటీఆక్సిడెంట్లు కూడా ఎక్కువ మొత్తంలో ఉంటాయి. ఇవి దీర్ఘకాలిక గుండె జబ్బులు, మధుమేహం  వంటి ఫ్రీ రాడికల్స్ వలన ఏర్పడే రుగ్మతలను తగ్గించడంలో సహాయపడతాయి.   

  • శక్తి వనరుగా బంగాళాదుంప 
  • ఆహార పీచుపదార్థంగా బంగాళాదుంప 
  • కొవ్వుల కోసం బంగాళ దుంపలు 
  • బరువు కోల్పోవడానికి బంగాళాదుంప 
  • గుండె ఆరోగ్యానికి బంగాళ దుంపలు 
  • బంగాళ దుంప వాపును తగ్గిస్తుంది 
  • ఎముక బలానికి బంగాళాదుంపలు 
  • యాంటీయాక్సిడెంట్ ఆహారంగా బంగాళదుంప 
  • క్యాన్సర్ ను నిరోధించడానికి బంగాళాదుంప 
  • స్కర్వీ వ్యాధికి బంగాళ దుంపలు 


శక్తి వనరుగా బంగాళాదుంప

అత్యంత శక్తినందించే ఆహారాలలో బంగాళాదుంప ఒకటి. బంగాళాదుంపలోని అధిక గంజిపదార్ధం కారణంగా  దాన్ని ఓ అద్భుతమైన ఆహార పిండి పదార్థాల మూలంగా చేస్తుంది. అదనంగా, ఈ దుంప అధిక కేలరీల సాంద్రతను కల్గిఉంటుంది మరియు దీన్ని కాల్చిగాని లేదా ఉడికించి గాని తింటే ఇది కొవ్వు రహితమైన ఆహారంగా ఉంటుందని భావిస్తారు. బంగాళాదుంపలో ఉన్న ప్రోటీన్లు పాస్తా, బియ్యం వంటి ఇతర పిండి పదార్ధాలతో కూడిన ఆహారాలతో పోలిస్తే అధిక నాణ్యతను కలిగి ఉంటుంది. ముఖ్యమైన అమైనో ఆమ్లం లైసిన్ పుష్కలంగా ఉన్న కొన్ని ఆహార వనరులలో బంగాళాదుంప కూడా ఒకటి మరియు అందువల్ల శరీరవిధులకు అవసరమైన లైసిన్ స్థాయిని కల్పించడంలో బంగాళాదుంప సేవనం సహాయపడుతుంది.

ఆహార పీచుపదార్థంగా బంగాళాదుంప 

బంగాళాదుంపపై ఉండే తొక్క (peel) బంగాళాదుంప యొక్క అత్యంత సమర్థవంతమైన ద్వితీయ ఉత్పాదక అంశం. ఇతర కూరగాయల తొక్కల వలె కాకుండా, బంగాళాదుంప తొక్కలు వ్యర్థాలు కావు. బంగాళాదుంప తొక్కలు 40% నుంచి 50% ఆహార పీచులను కలిగి ఉంటాయి గనుక కొన్ని రకాల రొట్టెలను తయారు చేయడానికి వీటిని ఉపయోగిస్తారు.

వివో (జంతు-ఆధారిత) అధ్యయనాల ప్రకారం, బంగాళాదుంపలోని  పీచుపదార్థాలు (ఫైబర్) అనేక ఆహార ఉత్పత్తులలో ఉపయోగించే ఒక శక్తివంతమైన క్యాన్సర్-కారక  కార్సినోజెన్ అక్రిలామైడ్కు వ్యతిరేకంగా పోరాడి ప్రేగు యొక్క అంతర్గత గోడల్ని కాపాడుతుంది.

కొన్ని చక్కెరవ్యాధి (డయాబెటిక్) పరిస్థితులవల్ల సంభవించే నేత్రకటక నష్టం బంగాళాదుంప తొక్కలనుండి తయారు చేసిన చూర్ణం వాడటం వల్ల  తగ్గుతుంది.

కొవ్వుల కోసం బంగాళ దుంపలు 

శరీరంలో కణ పొరల నిర్మాణానికి కొవ్వు (లేక కొలెస్ట్రాల్) ఒక ముఖ్యమైన అంశం అయినప్పటికీ, అధిక స్థాయికి పెరిగిన కొవ్వు ( కొలెస్ట్రాల్) అధిక రక్తపోటు మరియు గుండె వ్యాధుల వంటి  రుగ్మతలకు దారితీస్తుంది .

బంగాళాదుంపల్ని అద్భుతమైన హైపోలియోపిడెమిక్ (కొలెస్ట్రాల్ ను తగ్గిస్తుంది) ఎజెంట్గా పిలుస్తారు. బంగాళాదుంప హైపర్ కొలెస్టెరోలేమియాకు ప్రతికూల సహసంబంధం కలిగి ఉన్న మెథియోనిన్ అని పిలువబడే ఒక ముఖ్యమైన ప్రోటీన్ ను తక్కువ స్థాయిలో కల్గి ఉంది, అని ఒక అధ్యయనం సూచిస్తుంది. ఒక జంతు ఆధారిత అధ్యయనం లో, ఒక బంగాళాదుంప-ఆధారిత ఆహారం అదనపు అనుబంధంగా సేవిస్తే అది గణనీయంగా రక్త కొలెస్ట్రాల్ స్థాయిల్ని తగ్గిస్తుందని నివేదించబడింది. అయినప్పటికీ, మానవులపై ఇటువంటి ప్రభావాలను నిర్ధారించడానికి మరిన్ని అధ్యయనాలు అవసరమవుతాయి.


బరువు కోల్పోవడానికి బంగాళాదుంప 

బరువు కోల్పోయే విషయానికి వచ్చినప్పుడు, బంగాళాదుంపలు ఏమాత్రం ప్రయోజనం లేనివిగా పరిగణించడమైంది, ఎందుకంటే ఈ దుంపలో కార్బొహైడ్రేట్లు, విటమిన్-సి మరియు విటమిన్ బి 6 వంటి ఆహార పదార్థాల ఉనికి కారణంగా ఇవి బరువు పెంచడానికి  తోడ్పడేది ఉంటుంది. అయితే, పైతొక్క తీసేసి మధ్యరకంగా ఉడికించిన బంగాళాదుంపను వ్యక్తి సేవించినట్లైయితే, అది కడుపునింపడానికే కాకుండా ఇతర పిండి పదార్ధాల ఆహారాల కంటే తక్కువ కేలరీలను మాత్రమే శరీరానికి అందిస్తుంది. ఒక మధ్యపరిమాణం  బంగాళాదుంపలో సుమారు 140 కేలరీలు ఉంటాయి, ఇది ఉడికించిన పాస్తా (286 కేలరీలు) లేదా ఉడికించిన అన్నం (248 కేలరీలు) కంటే తక్కువ కేలరీలను కల్గి ఉంటుంది.

అందువల్ల బంగాళాదుంపలు మీ కెలొరీని పెంచకుండా పొట్ట నిండిన అనుభూతిని కలిగించడం ద్వారా బరువు తగ్గించడంలో మీకు సహాయపడవచ్చు.

గుండె ఆరోగ్యానికి బంగాళ దుంపలు 

గంజి-పిండి పదార్ధం పుష్కలంగా ఉన్న కూరగాయలో పీచు ఆహారపదార్థం (ఫైబర్), పొటాషియం, విటమిన్ సి మరియు విటమిన్ B6 వంటి పుష్కలమైన లక్షణాలున్నాయి గనుక ఇది గుండె ఆరోగ్యానికి మద్దతిస్తుంది. అధిక కొవ్వులు (కొలెస్ట్రాల్లల్) గుండె సంబంధిత వ్యాధుల యొక్క ప్రధాన కారణాలలో ఒకటి, బంగాళాదుంపలోని అధిక హైపోకొలెస్టరోలిమిక్ స్వభావం (కొలెస్టరాల్ను తగ్గిస్తుంది) కారణంగా ఇది గుండెకు మేలుచేసే తన విధిని నిర్వహిస్తుంది. బంగాళాదుంపలలో కారోటెనాయిడ్స్ (సహజ వర్ణద్రవ్యం) లుటీన్ మరియు జీకాజాంటిన్లు కూడా ఉన్నాయి, ఇవి గుండె ఆరోగ్యానికి మరియు ఇతర అంతర్గత అవయవాల పనితీరుకు ప్రయోజనకరంగా ఉంటాయి.


బంగాళ దుంప వాపును తగ్గిస్తుంది

బంగాళదుంపల యొక్క శోథ నిరోధక శక్తిని పరీక్షించడానికి అనేక అధ్యయనాలు నిర్వహించబడ్డాయి. సిగరెట్ పొగ కారణంగా సంభవించే ఊపిరితిత్తుల వాపును తగ్గించడంలో బంగాళాదుంప పదార్దాలు ప్రభావవంతంగా ఉన్నాయని వివో అధ్యయనంలో సూచించారు. ఒక ఇన్ విట్రో  (ప్రయోగశాల ఆధారిత) అధ్యయనంలో , బంగాళాదుంపలలోని పై తొక్క (బంగాళాదుంప పీల్) మరియు గ్లైకోల్కాలోయిడ్స్ (సహజ రసాయన సమ్మేళనం యొక్క ఒక రకం) శోథ నిరోధక ఏజెంట్లుగా గుర్తించబడ్డాయి.


ఎముక బలానికి బంగాళాదుంపలు

బంగాళాదుంపలు మెగ్నీషియం, ఇనుము, జింక్ మరియు ఫాస్ఫరస్ వంటి ఖనిజాలను కలిగి ఉంటాయి, ఇవి ఎముక నిర్మాణాన్ని నిర్వహించడంలో మరియు మానవ ఎముకల శక్తిని పెంపొందించడంలో ప్రధాన పాత్ర పోషిస్తాయి. బంగాళాదుంపలలో కాల్షియం పుష్కలంగా ఉంటుంది, ఈ క్యాల్షియం ఎముక ఆరోగ్యానికి బాధ్యత వహిస్తున్న అత్యంత ముఖ్యమైన అంశాల్లో ఒకటి. కాబట్టి  బంగాళాదుంప ఎముకల బలానికి చాలా ఉపయోగకరంగా ఉంటుంది.


యాంటీయాక్సిడెంట్ ఆహారంగా బంగాళదుంప 

బంగాళాదుంలో విటమిన్లు మరియు పాలీఫెనోల్స్ వంటి అనామ్లజని కాంపౌండ్లు  అధికంగా ఉంటాయి. ఇది గుండె జబ్బులు, డయాబెటిస్ మరియు క్యాన్సర్ వంటి దీర్ఘకాలిక వ్యాధులతో సంబంధం కలిగి ఉన్న శరీరంలో అదనపు ఫ్రీ రాడికల్స్ ను  తటస్థీకరిస్తుందని దీని అర్థం. ఆంటోసియానియా వర్ణద్రవ్యాల ఉనికి కారణంగా, ఎరుపు, నీలం మరియు ఊదా రంగు బంగాళాదుంపల ప్రతిక్షకారిణి సామర్థ్యం వైట్ / పసుపు బంగాళాదుంపల కన్నా ఎక్కువ.


క్యాన్సర్ ను నిరోధించడానికి బంగాళాదుంప 

బంగాళాదుంపలలో క్యాన్సర్-వ్యతిరేక సమ్మేళనాలు విస్తృతంగా ఉన్నాయి. పర్యవసానంగా, క్యాన్సర్ పెరుగుదల మరియు వ్యాప్తిని తగ్గించడంలో బంగాళాదుంప పదార్ధాల సంభావ్యతను పరీక్షించడానికి అనేక అధ్యయనాలు నిర్వహించబడ్డాయి. ప్రయోగశాల ఆధారిత అధ్యయనాలు బంగాళాదుంపలోని పదార్దాలు మానవ రొమ్ము క్యాన్సర్ కణాల వ్యాప్తిని నిరోధించవచ్చని సూచిస్తున్నాయి. జంతువులపై జరిపిన అధ్యయనాలు బంగాళాదుంప పదార్దాలు కణితి పెరుగుదలను అణచివేయడం ద్వారా జీవితాన్ని పొడిగించగలవని నిరూపించాయి.

బంగాళాదుంపలకు ఊదారంగు-ఎరుపు రంగును ఇవ్వడానికి బాధ్యత కలిగిన అంతోసైయానిన్ పిగ్మెంట్స్ ఈ కూరగాయ యొక్క క్యాన్సర్ వ్యతిరేక లక్షణాలకు బాధ్యత వహిస్తాయని అనేక అధ్యయనాలు చెబుతున్నాయి.

క్లినికల్ ట్రయల్స్ లేని కారణంగా, మానవులలో కణితులని నివారించడానికి లేదా తగ్గించడానికి బంగాళాదుంపల చర్య లేదా సామర్థ్యం యొక్క యంత్రాంగం గురించి ఇంకా వీకరించబడలేదు.


స్కర్వీ వ్యాధికి బంగాళ దుంపలు 

కార్బోహైడ్రేట్లకు ఓ మంచి మూలం కావడంతో పాటు బంగాళాదుంపలు విటమిన్ ‘సి’ ని కూడా పుష్కలంగా కల్గి ఉంటాయి. శరీరంలో విటమిన్-సి లేని కారణంగానో లేక తక్కువవటంవల్ల సంభవించేదే ‘స్కర్వీ’ వ్యాధి. ఈ వ్యాధిలో, నోట్లో పంటిచిగుళ్ళు వాపెక్కి రక్తం స్రవిస్తాయి, పెదవులు చిట్లతాయి, శరీరంపైన దద్దుర్లు ఏర్పడతాయి మరియు నోటి పూతలు (నోటిపుండ్లు) కూడా బాధిస్తాయి. బంగాళాదుంపలో విటమిన్-సి ఉనికి కారణంగా  రక్తస్రావంతో కూడిన చిగుళ్ళవాపు నివారణలో సహాయపడవచ్చు. అమెరికన్ జర్నల్ ఆఫ్ ఫిజికల్ యాన్త్రోపోలజీ ప్రకారం, ఐరిష్ దేశం కరువుకాలంలో తీవ్రస్థాయిలో సంభవించిన స్కర్వీ వ్యాధి కేసులకు విటమిన్ C లోపమే స్పష్టమైన కారణమైనట్లు, ఈ వ్యాధికి-ఆ కరువుకాలంలో చీడ కారణంగా ఏర్పడ్డ బంగాళాదుంపల పంటనాశనానికి ముడిపెట్టడం జరిగింది.


బంగాళాదుంపల దుష్ప్రభావాలు 

బంగాళాదుంపలు అనేక ఆరోగ్య ప్రయోజనాలను కలిగిస్తాయి, కానీ దానితో పాటు ఆరోగ్యంపై కొన్ని దుష్ప్రభావాలను (ప్రతికూల ప్రభావాలు) కూడా కల్గిస్తుంది.

  • బంగాళాదుంప వంటి గంజి, పిండిపదార్ధం  అధికంగా ఉన్న ఆహారాల్ని అధిక ఉష్ణోగ్రతల్లో (120° C కంటే ఎక్కువ) వండినపుడు అది ‘అక్రిలామైడ్’ అని పిలువబడే ఒక రసాయనాన్ని ఉత్పత్తి చేస్తుంది. క్షీరదాల ఆహారంలో ఈ రసాయనిక పదార్ధం యొక్క ఉనికి క్యాన్సర్కు కారణమవుతుందని అధ్యయనాలు సూచిస్తున్నాయి. అందువల్ల, అధిక ఉష్ణోగ్రతల్లో పిండి పదార్ధాలున్న ఆహారాల్ని  అధికంగా ఉడికించకూడదు.
  • బంగాళాదుంప ద్వారా తయారయ్యే మరొక ప్రతికూల మూలకం గ్లైకోకల్లాయిడ్. ఆల్ఫా-సోలనిన్ మరియు ఆల్ఫా-చాకోనైన్ మొత్తం బంగాళాదుంపలలో మొత్తం గ్లైకోకాలాలోయిడ్ కంటెంట్లో 95% వాటా ఉంటుంది. ఈ గ్లైకోల్కోలాయిడ్స్ ను ఎక్కువగా సేవించడంవల్ల వికారం, వాంతులు, పొత్తికడుపు తిమ్మిరి మరియు అతిసారం వంటి రుగ్మతలకు  కారణమవుతుంది. తీవ్రమైన సందర్భాల్లో గ్లైకోఅల్కాలాయిడ్ విషప్రయోగం కారణంగా నిద్రమత్తు (మైకం), వ్యాకులత, వణుకు, గందరగోళం, విశ్రాంతి లేమి మరియు బలహీనత వంటి నరాల సమస్యలను కలిగిస్తుంది . 
  • యునైటెడ్ స్టేట్స్లో ఆరోగ్యకరమైన మగ మరియు ఆడపులి సమూహాలపై ఒక పరిశోధన నిర్వహించబడింది. ఈ పరిశోధన-అధ్యయనం ప్రకారం, బంగాళాదుంపల యొక్క అధిక సేవనం, అంటే ఉడికించిన లేదా వేయించిన బంగాళా దుంపలు “టైపు -2 డయాబెటిస్” ప్రమాదానికి కారణం అవుతుంది.
  • ఫ్రెంచ్ ఫ్రైస్, చిప్స్, బర్గర్లు వంటి బంగాళాదుంపలతో తయారైన క్రమీకరణ (ప్రాసెస్) పద్ధతిలో  చేయబడిన వస్తువులు తినడంవల్ల శరీరం బరువు పెరగడానికి దారి తీస్తాయి.


ఉపసంహారం
బంగాళాదుంపలు మన ఆహారంలో ప్రధాన పాత్ర పోషిస్తాయి. ఇవి కొన్ని మంచి ఆరోగ్య-ప్రోత్సాహక లక్షణాలను కూడా ప్రదర్శించాయి. కానీ పరిమిత పరిమాణంలో మరియు సరైన పద్ధతిలో ఈ గడ్డల్ని సేవించకపోతే ప్రతికూల ప్రభావాలను ఎదుర్కోవలసిరావచ్చు. క్రమీకరణ (ప్రాసెస్) చేయబడిన బంగాళాదుంపల యొక్క తినుబండారాలను నివారించడం మరియు వాటిని కాల్చిన లేదా ఉడకబెట్టిన రూపంలో సేవించడం ఉత్తమం. అందువల్ల, బంగాళా దుంపను అందరూ వివేకంతో తిని ఆరోగ్యంగా ఉండాలని ఆశిద్దాం.

0/Post a Comment/Comments

Previous Post Next Post