నేరేడు పళ్ళు ప్రయోజనాలు మరియు దుష్ప్రభావాలు

నేరేడు పళ్ళు ప్రయోజనాలు మరియు దుష్ప్రభావాలు 

నేరుడు పళ్ళు వగరుగా, తియ్యగా మరియు కొద్దిగా పుల్లగా ఉంటాయి .  ఇవి  అంటే చాలా మందికి ఇష్టం. ఈ పండు అండాకారంలో దీర్ఘచతురస్రాకారంగా  ఉండి  మరియు పచ్చిగా ఉన్నప్పుడు ఆకుపచ్చ రంగులో  కూడా ఉంటుంది .  పండిన తర్వాత ఊదా రంగులోకి  కూడా మారుతుంది. రుచిలో గొప్పగా ఉండటమే కాకుండా, నేరుడు పండు అనేక రకాల  ఔషధ లక్షణాల కేంద్రంగా కూడా ఉంటుంది. ఇది అనేక రకాల  ఆరోగ్య ప్రయోజనాలతో కూడిన వేసవిలో కాసే పండు. నేరుడు చెట్టు సాధారణంగా 60 నుండి 100 అడుగుల ఎత్తు వరకు కూడా పెరుగుతుంది .  ప్రతి ఏటా పండ్లను కలిగి ఉంటుంది. పువ్వులు 5 మిమీ వ్యాసం కలిగి ఉండి  చాలా సువాసనను కూడా కలిగి ఉంటాయి.

ఈ పండ్లలోని వివిధ భాగాలు రక్తస్రావ లోపాలు మరియు ఇతర వ్యాధుల చికిత్సకు ఉపయోగపడతాయని ఆయుర్వేదంలో కూడా  పేర్కొన్నారు.  పళ్ళు తినడానికి ఉపయోగపడడంతో పాటు చెట్టు యొక్క అన్ని భాగాలు మరియు ప్రధానంగా విత్తనాలను అనేక రకాలైన వ్యాధులను నయం చేయడానికి కూడా ఉపయోగిస్తారు. వివిధ సాంప్రదాయ వైద్య విధానాలలో ఉపయోగించే ఒక ముఖ్యమైన మొక్కగా ఇది గుర్తించబడింది. మధుమేహం, వాపు, అల్సర్తో పాటు అతిసారం చికిత్సలో నేరేడును ప్రధానంగా కూడా ఉపయోగిస్తారు.

నేరేడు పళ్ళతో అనేక ఆరోగ్య పానీయాలు (హెల్త్ డ్రింక్స్), స్క్వాష్‌లు, జామ్‌లు, జెల్లీలు, ఐస్‌క్రీమ్‌లు, స్మూతీలు మొదలైనవి కూడా తయారు చేస్తారు. పండని నేరేడు కాయలను వెనిగర్ లేదా వైన్ తయారీకి  కూడా ఉపయోగిస్తారు. నేరేడు పళ్ళను నీరు మరియు చక్కెరతో పాటు కలిపి ఉడికించి నిల్వచేసుకోవచ్చును . ఎండబెట్టి పొడి చేసినప్పుడు నేరేడు పండు గుజ్జు ఔషధంగా బాగా మారుతుంది.

నేరేడు భారతదేశం, చైనా యొక్క ప్రక్కనే ఉన్న ప్రాంతాలు మరియు క్వీన్స్ ల్యాండ్ కు చెందిన చెట్టు. ఈ చెట్టును 1911 లో ఫ్లోరిడాకు పరిచయం చేశారు మరియు ఇప్పుడు గయానా, సురినామ్ మరియు ట్రినిడాడ్ మరియు టొబాగోలలో కూడా పండిస్తున్నారు.

నేరేడు చెట్టు గురించి కొన్ని ప్రాథమిక వాస్తవాలు


శాస్త్రీయ నామం: సిజిజియం క్యుమిని (Syzygium cumini)
కుటుంబం: మైర్టేసి (Myrtaceae)
సాధారణ నామం: నేరేడు పండు 
సంస్కృత నామం: జంబులా, జంబు ఫలం
హిందీ పేరు: జమునా
ఉపయోగించిన భాగాలు: పండు చర్మం, గుజ్జు మరియు విత్తనం

స్థానిక ప్రాంతం మరియు భౌగోళిక విస్తీర్ణం: భారతదేశానికి చెందినది మరియు మడగాస్కర్, ఫిలిప్పీన్స్, ఇండీస్ మరియు థాయిలాండ్ వంటి కొన్ని ఇతర దేశాలలో కూడా చూడవచ్చును . ఇది గయానా, ట్రినిడాడ్ మరియు టొబాగో మరియు సురినామ్లలో కూడా పెరుగుతుంది.


  • నేరేడు పళ్ళ యొక్క పోషక వాస్తవాలు
  • నేరేడు పళ్ళ ఆరోగ్య ప్రయోజనాలు 
  • నేరేడు పళ్ళ యొక్క దుష్ప్రభావాలు 
  • ఉపసంహారం 


నేరేడు పళ్ళ యొక్క పోషక వాస్తవాలు 

విటమిన్ బి మరియు విటమిన్ సి వంటి విటమిన్లు, మెగ్నీషియం, పొటాషియం, కాల్షియం వంటి ఖనిజాలతో నేరేడుపళ్ళు సమృద్ధిగా ఉంటాయి. ఇవి ప్రోటీన్లు, యాంటీఆక్సిడెంట్లు, గ్లూకోజ్, ఫ్రక్టోజ్ మరియు కొంత మొత్తంలో ఫైబర్లతో నిండి ఉంటాయి. యుఎస్‌డిఎ న్యూట్రియంట్ డేటాబేస్ ప్రకారం, 100 గ్రాముల నేరేడు పండ్లలో ఈ క్రింది పోషకాలు ఉంటాయి.

పోహాకాలు :100 గ్రాములకు 

నీరు :83.13 గ్రా
శక్తి:60 కిలోకేలరీలు
ప్రోటీన్:0.72 గ్రా 
ఫ్యాట్:0.23 గ్రా
కార్భోహైడ్రేట్:15.56 గ్రా

విటమిన్లు  :100 గ్రాములకు


విటమిన్ బి1 :0.006 mg
విటమిన్ బి2:0.012 mg
విటమిన్ బి3:0.260 mg
విటమిన్ బి6:0.038 mg
విటమిన్ సి:14.3 mg

మినరల్స్:100 గ్రాములకు 

ఐరన్:0.19 mg
మెగ్నీషియం:15 mg
ఫాస్ఫరస్:17 mg
పొటాషియం:79 mg
సోడియం:14 mg 


నేరేడు పళ్ళ ఆరోగ్య ప్రయోజనాలు 

అనేక పోషకాలకు నెలవుగా నేరేడుపళ్ళు అనేక రకాల ఆరోగ్య ప్రయోజనాలు కలిగి ఉంటాయి 

క్యాన్సర్ కోసం: నేరేడు విత్తన సారం రేడియోప్రొటెక్టీవ్ చర్యలు కలిగి ఉంటుంది, ఇది వారసత్వంగా వచ్చే క్యాన్సర్ ప్రమాదాన్ని బాగా  తగ్గిస్తుంది. అలాగే  నేరేడు పళ్ళు రొమ్ము క్యాన్సర్ ప్రమాదాన్ని కూడా తగ్గిస్తాయి. నేరేడు పళ్ళ గుజ్జు సారానికి శక్తివంతమైన క్యాన్సర్ నిరోధక లక్షణాలు ఉన్నట్లు క్యాన్సర్ల పైన నిర్వహించిన వివిధ అధ్యయనాలు  కూడా తెలిపాయి.

యాంటీ మైక్రోబియల్: నేరేడు పళ్ళ గుజ్జు యాంటీ మైక్రోబియల్ చర్యలను కలిగి ఉంటుంది. చర్మ ఇన్ఫెక్షన్లు కలిగించే వివిధ బాక్టీరియా మరియు ఫంగస్ల పై వ్యతిరేక చర్యలను నేరేడు పళ్ళు కూడా చూపిస్తాయి.

జీర్ణ రుగ్మతలకు: నేరేడు పళ్లలో మంచి మొత్తంలో ఆంథోసైనిన్ అనే బయోఆక్టివ్ సమ్మేళనం ఉంటుంది .  ఒకరకమైన యాంటీ-యాక్సిడెంట్ ఇది కడుపులో ఆక్సిజన్ మరియు నైట్రోజన్ల యొక్క రెయాక్టీవ్ చర్యలను  బాగా అణిచివేస్తుంది. అతిసారం, అజీర్ణం, ఉబ్బరం మొదలైనటువంటి జీర్ణాశయ సమస్యలను తగ్గించడంలో కూడా సహాయపడుతుంది.

చర్మం కోసం: నేరేడు పళ్లలో అనేక విటమిన్లు మరియు పోషకాలు కూడా  ఉంటాయి.  అవి చర్మానికి కాంతిని కూడా అందిస్తాయి. వీటిలో ఉండే ఐరన్ రక్తాన్ని శుద్ధి చేసి మొటిమల సమస్యను  బాగా తగ్గిస్తుంది.

కాలేయం కోసం: కాలేయంలో బైల్ జ్యూస్ ఉత్పత్తి తగ్గిపోతే కొలెస్టాసిస్ అనే సమస్య వస్తుంది. ఈ పరిస్థితి కడుపు నొప్పి చర్మం, కళ్ళు పసుపు రంగులోకి మారిపోవడం వంటి లక్షణాలను కలిగిస్తుంది. నేరేడు పళ్లలో ఉండే ఆంథోసైనిన్ ఈ లక్షణాలను తగ్గించడంలో సహాయం చేస్తుందని అధ్యయనాలు కూడా  తెలిపాయి.

గుండెకు: గుండె ఆరోగ్యానికి కాపాడడంలో ముఖ్యపాత్ర వహించే ఒక ఖనిజం పొటాషియం. నేరేడు పళ్లలో అధికమొత్తంలో పొటాషియం కూడా ఉంటుంది.  అది రక్తపోటుని నిర్వహిస్తుంది తద్వారా గుండె రుగ్మతల ప్రమాదాన్ని బాగా తగ్గిస్తుంది.

అర్థిరైటిస్ కోసం: నేరేడు పళ్లలో ఉండే వివిధ విటమిన్లు మరియు ఖనిజాలు యాంటీ-ఇంఫలమేటరీ చర్యలను కలిగి ఉంటాయని పలు అధ్యయనాలు కూడా  తెలిపాయి, ఈ లక్షణాలు అర్థిరైటిస్ చికిత్సకు బాగా  ఉపయోగపడతాయి.

  • వాపు కోసం నేరేడుపళ్ళు 
  • ఆర్థరైటిస్ కోసం నేరేడు పళ్ళు
  • గుండెకు నేరేడు -
  • కాలేయానికి నేరేడు - 
  • చర్మ ఆరోగ్యానికి నేరేడు పళ్ళు
  • కొలెస్ట్రాల్ కోసం నేరేడు పళ్ళు
  • జీర్ణ రుగ్మతలకు నేరేడు 
  • యాంటీ బాక్టీరియల్‌గా నేరేడు 
  • క్యాన్సర్ కోసం నేరేడు 


వాపు కోసం నేరేడుపళ్ళు 

వాపు అంటే చర్మం ఎర్రగా, వేడిగా మారి, ఉబ్బుతుంది.  కొన్నిసార్లు నొప్పిని కూడా కలిగిస్తుంది. నేరేడు పళ్లలో వివిధ విటమిన్లు మరియు ఖనిజాలు కలిగి  ఉంటాయి.  ఇవి వాపు నిరోధక లక్షణాలను ప్రదర్శిస్తాయి. ఈ పండు యొక్క వాపు నిరోధక సామర్థ్యాన్ని తెలుసుకోవడానికి ప్రీక్లినికల్ అధ్యయనాలు కూడా  జరిగాయి. వాపు మరియు అల్సర్ను తగ్గించడానికి నేరేడు పళ్ళను ఒక సహజ ఔషధంగా తీసుకోవచ్చును . నేరేడు పళ్ళ యొక్క ఈ లక్షణం ప్రాణాంతక క్యాన్సర్ ప్రమాదాలను నివారించడంలో కూడా సహాయపడుతుంది.


ఆర్థరైటిస్ కోసం నేరేడు పళ్ళు 

ఆర్థరైటిస్, కీళ్ళ వద్ద కండరాలు బలహీనపడటం వల్ల వచ్చే వ్యాధి. 40 ఏళ్లు దాటిన మహిళలు, ఎముక సంబంధిత సమస్యలను ఎదుర్కొనే ప్రమాదం ఉంటుంది. ఇది దీర్ఘకాల చికిత్సతో నయం చేయగల పరిస్థితి. అనేక ప్రీ క్లినికల్ అధ్యయనాల ప్రకారం, నేరేడుపళ్ల విత్తనాలు శక్తివంతమైన యాంటీ-ఇన్ఫలమేటరీ ప్రభావాన్ని కలిగి ఉంటాయి.  ఈ ప్రభావం ఆర్థరైటిస్ వంటి వ్యాధుల విషయంలో వాపును తగ్గించడానికి  బాగా సహాయపడుతుంది. ఆర్థరైటిస్‌తో బాధపడుతున్న రోగులు వాపు మరియు నొప్పిని తగ్గించడానికి వారి ఆహారంలో నేరేడుపళ్లను చేర్చాలని సూచించబడుతుంది.


గుండెకు నేరేడు

నిత్యం పనితో నిండి ఉండే జీవనశైలిలో, శరీరాన్ని ఆరోగ్యంగా మరియు ఉత్సహంగా ఉంచడానికి సులభమైన మరియు ప్రయోజనకరమైన చిట్కాలను తెలుసుకోవడం చాలా అవసరం. పెరుగుతున్న వయస్సుతో పాటు, ప్రజలు గుండె జబ్బుల ప్రమాదాన్ని ఎక్కువగా ఎదుర్కొంటుంటారు. గుండెను ఆరోగ్యంగా ఉంచడంలో సహాయపడే ఒక ముఖ్యమైన ఖనిజం పొటాషియం.

తగినంత మొత్తంలోని పొటాషియం రక్తపోటును నియంత్రించడంలో బాగా  సహాయపడుతుంది.   తద్వారా గుండెపోటు వచ్చే ప్రమాదాన్ని బాగా  తగ్గిస్తుంది. నేరేడు పండ్లలో పొటాషియం పరిమాణం  చాలా ఎక్కువగా ఉంటుంది. పొటాషియం అధికంగా ఉండే నేరేడు పళ్ళను తీసుకోవడం ద్వారా అది రక్త నాళాలను (శరీరంలో రక్తం ప్రయాణించే పైపు) విస్తరించడం ద్వారా గుండెను ఆరోగ్యంగా ఉంచడంలో  కూడా సహాయపడుతుంది.  తద్వారా శరీరంలో వివిధ భాగాలకు రక్తం ప్రవహించడం సులభం అవుతుంది మరియు రక్తపోటును బాగా  నిర్వహిస్తుంది.


కాలేయానికి నేరేడు 

కొలెస్టాసిస్ కాలేయం యొక్క ఒక సాధారణ వ్యాధి. ఈ పరిస్థితిలో, కాలేయం నుండి పిత్త రసం (బైల్ జ్యూస్) యొక్క ఉత్పత్తి కూడా నిరోధించబడుతుంది. ఈ పరిస్థితి ఉదర ప్రాంతంలో నొప్పితో పాటు తీవ్రమైన దురద, కళ్ళు మరియు చర్మం పసుపు రంగులోకి మారడం, ముదురు మూత్రం, ఆకలి లేకపోవడం మరియు వికారం వంటి కొన్ని లక్షణాలను  కలిగిస్తుంది. కొలెస్టాసిస్ చికిత్సలో నేరేడు పళ్ళ యొక్క వివిధ ప్రభావాలు పరిశోధించబడ్డాయి.

నేరేడు యొక్క ఈ ప్రభావం దానిలో ఆంథోసైనిన్ అనే బయోఆక్టివ్ సమ్మేళనం ఉండటం వలన అని ప్రిక్లినికల్ అధ్యయనాలు కూడా  తెలిపాయి. పండులో కనిపించే నీలం-ఊదా రంగుకు కారణం. కొలెస్టాసిస్‌తో ముడిపడి ఉండే వివిధ లక్షణాల నుండి ఉపశమనం కలిగించడం ద్వారా రోగికి ఉపశమనం అందించడంలో ఆంథోసైనిన్  బాగా సహాయపడుతుంది.


చర్మ ఆరోగ్యానికి నేరేడు పళ్ళు 

నేరేడు పళ్లలో మల్టీవిటమిన్లు మరియు పోషక విలువలు ఉండటం వల్ల, చర్మానికి సౌందర్యం అందించడంలో ఇవి ప్రయోజనకరంగా కూడా ఉంటాయి. అలాగే వీటిలో ఉండే ఐరన్ రక్తాన్ని శుద్ధి చేయడానికి మరియు మొటిమల సమస్యలను నియంత్రించడానికి కూడా  సహాయపడుతుంది. నేరేడు యొక్క మరొక ముఖ్యమైన పోషకం విటమిన్ సి ఇది, చర్మాన్ని తెల్లగా చేయడానికి కూడా సహాయపడుతుంది. మొటిమలు మరియు బ్లాక్ హెడ్స్ వల్ల చర్మం పై ఏర్పడిన మచ్చలు కూడా నేరేడు పళ్ళ విత్తనాల పొడిని ఉపయోగించడం ద్వారా తొందరగా   తగ్గుతాయి. జిడ్డుగల చర్మం ఉన్నవారు రోజూ నేరేడుపళ్లను తినాలని సలహా కూడా ఇవ్వబడుతుంది.  ఎందుకంటే ఇది వారి చర్మాన్ని తాజాగా మరియు నిర్మలంగా కూడా చేస్తుంది.


కొలెస్ట్రాల్ కోసం నేరేడు పళ్ళు 

నేరేడు పళ్ళను తీసుకోవడం అనేది కొలెస్ట్రాల్‌ను తగ్గించడంలో కూడా ప్రభావవంతంగా ఉంటుందని రుజువు చేయబడింది. నేరేడు విత్తనాల ఇథనాలిక్ సారం సీరం కొలెస్ట్రాల్ మరియు ట్రైగ్లిజరైడ్స్ యొక్క స్థాయిని తగ్గించే సామర్థ్యాన్ని కలిగి ఉంటుంది.  అదేవిధంగా అధిక సాంద్రత కలిగిన కొలెస్ట్రాల్ మరియు తక్కువ-సాంద్రత గల కొలెస్ట్రాల్‌ యొక్క నిష్పత్తిని కూడా నిర్వహిస్తుంది. నేరేడు విత్తనాల యొక్క ఈ యాంటీ-హైపర్లిపిడెమిక్ ప్రభావం వాటిలో ఉండే టానిన్లు, ఆల్కలాయిడ్స్, ఫ్లేవనాయిడ్లు, సాపోనిన్, ఫినాల్స్ మరియు ట్రైటెర్పెనెస్ వంటి బయోయాక్టివ్ సమ్మేళనాలు ఉండటం వలన చెప్పవచ్చును .


జీర్ణ రుగ్మతలకు నేరేడు 

బలహీనమైన ప్రేగుల వ్యవస్థ ఉన్నవారు మలబద్ధకం, ఉబ్బరం, విరేచనాలు, తిమ్మిరి లేదా కడుపు నొప్పి వంటి వివిధ జీర్ణ సమస్యలతో కూడా బాధపడుతుంటారు. వివిధ విటమిన్లు మరియు ఖనిజాల ఉండడం వల్ల నేరేడు పండ్లకు జీర్ణక్రియకు సహాయం లక్షణాలు కూడా ఉంటాయి. ఇంతకు ముందు చెప్పినట్లుగా, నేరేడు పండ్లలో మంచి మొత్తంలో ఆంథోసైనిన్లు ఉంటాయి.

ఆంథోసైనిన్లు ఒక రకమైన యాంటీఆక్సిడెంట్లు మరియు ఇవి కడుపులోని ఆక్సిజన్ మరియు నైట్రోజన్ యొక్క రియాక్టివ్ ప్రభావాలను అణచివేయడంలో కూడా సహాయపడతాయి.  ఇది కడుపులోని ఆమ్ల (అసిడిక్) లక్షణాలను నియంత్రించడంలో మరియు ఉపశమనం కలిగించడంలో బాగా  సహాయపడుతుంది. ఈ పండు ప్రేగుల పై ఒక టానిక్ లా పనిచేయడమే కాక చల్లదనం కూడా కలిగిస్తుంది. విత్తనాల పొడి మరియు నేరేడు చెట్టు యొక్క బెరడుతో తయారుచేసిన కషాయాన్ని తీసుకోవడం ద్వారా విరేచనాలు, అజీర్ణం,ఉబ్బరం వంటి వివిధ జీర్ణ సమస్యలు నయమవుతాయి.

అతిసారానికి అత్యంత ప్రభావవంతమైన నివారణ కోసం - రెండు మృదువైన నేరేడు ఆకులను తీసుకొని వాటిని నలిపి పేస్ట్ లా తయారు చెయ్యండి. దీనికి కొంచెం రాతి ఉప్పు కలిపి చిన్న మాత్రలుగా చుట్టండి. ప్రతిరోజూ రెండుసార్లు నీటితో కలిపి  తీసుకోండి.


మధుమేహం కోసం నేరేడు పళ్ళు 

నేరేడు పండ్ల విత్తనాలు మరియు గుజ్జు మధుమేహ రోగులలో అనేక రకాల  ప్రయోజనాలకు సహాయపడతాయి.రక్తంలో గ్లూకోజ్ స్థాయిలను తగ్గించడం ద్వారా తిమ్మిరి లేదా కంటిశుక్లం వంటి మధుమేహ సమస్యలను ఆలస్యం చేయడం అనేది నేరేడు పళ్ళ యొక్క అనేక ప్రయోజనాలలో  ఇది ఒకటి. గ్లూకోజ్ అధికంగా ఉత్పత్తి అయినప్పుడు పిండి పదార్ధాలను (శరీరంలో ఉంటుంది) చక్కెరగా మారడాన్ని నియంత్రిచగల సామర్థ్యం నేరేడు విత్తనాలకు ఉంటుంది. అధిక దాహం మరియు తరచు మూత్రవిసర్జన వంటి మధుమేహ లక్షణాలను నయం చేయడంలో కూడా ఇది సహాయపడుతుంది.


యాంటీ బాక్టీరియల్‌గా నేరేడు 

అనేక రకాల ఇన్ఫెక్షన్లకు బాక్టీరియా మరియు ఫంగస్లు ముఖ్యమైన కారకాలు. నేరేడు పండ్ల గుజ్జు దాని యాంటీమైక్రోబయల్ లక్షణాల కోసం పరీక్షించబడింది.  విత్తనాలు కూడా యాంటీ బాక్టీరియల్ ఏజెంట్‌గా కూడా పనిచేస్తాయి. నేరేడు యొక్క యాంటీ బాక్టీరియల్ లక్షణాలు చర్మ ఇన్ఫెక్షన్లకు కారణమయ్యే ఎస్చెరిచియా కోలి (Escherichia coli), స్టెఫైలోకోకస్ ఆరియస్ (Staphylococcus aureus), బాసిల్లస్ సబ్టిలిస్ (Bacillus subtilis) వంటి బ్యాక్టీరియా పెరుగుదలను ఆపడానికి లేదా తగ్గించడానికి సహాయపడతాయని కూడా కనుగొనబడ్డాయి. నేరేడు యొక్క ఎక్వస్ మరియు మిథనాల్ సారాలు కాండిడా అల్బికాన్స్ (Candida albicans) మరియు ట్రైకోఫైటన్ రుబ్రమ్ (Trichophyton rubrum) వంటి కొన్ని ఫంగస్ల పెరుగుదలను  కూడా నిరోధిస్తాయి. ఇవి చర్మ వ్యాధులకు కూడా కారణమవుతాయి. కాబట్టి, అటువంటి అంటువ్యాధులన్నింటినీ నివారించడానికి మీ ఆహారంలో నేరేడు పళ్ళను చేర్చడం చాలా  ఉత్తమం.


క్యాన్సర్ కోసం నేరేడు 

క్యాన్సర్ అనేది శరీరంలో అసాధారణమైన కణాలు అనియంత్రితంగా పెరిగే పరిస్థితి. రసాయనాలు మరియు ఇతర పదార్ధాలకు గురికావడం వంటి క్యాన్సర్ ప్రమాద కారకాలుగా ఉంటాయి, వీటిని సాధారణంగా క్యాన్సర్ కారకాలు (కార్సినోజెన్స్) అని పిలుస్తారు.

వయస్సు మరియు కుటుంబ చరిత్ర వంటి కొన్ని విషయాలు కూడా క్యాన్సర్ కారకాలుగా ఉంటాయి. కొన్ని క్యాన్సర్ల నివారణకు నేరేడు పళ్ళు అద్భుతముగా కూడా పనిచేస్తాయి. వివిధ రకాల క్యాన్సర్ల చికిత్స కోసం, రేడియోథెరపీని విస్తృతంగా  కూడా ఉపయోగిస్తారు. నేరేడు పండ్ల విత్తనాల సారం రేడియోప్రొటెక్టివ్ ప్రభావాన్ని కలిగి ఉంటుంది. ఇది వారసత్వంగా క్యాన్సర్ వచ్చే ప్రమాదాన్ని తగ్గించడంలో  బాగా సహాయపడుతుంది. ఆహారంలో నేరేడు పళ్ళను చేర్చడం వల్ల అది రొమ్ము క్యాన్సర్ ప్రమాదాన్ని కూడా బాగా  తగ్గిస్తుంది.

నేరేడు పండ్ల గుజ్జు యొక్క క్యాన్సర్ నిరోధక ప్రభావం మానవ గర్భాశయ క్యాన్సర్ కణాలపై కూడా నిరూపించబడింది. నేరేడు సారాలు కణితి కణాలలో అపోప్టోసిస్ (సెల్ డెత్) ను ప్రేరేపిస్తాయని మరియు మోతాదు-ఆధారిత పద్ధతిలో యాంటీ-ప్రొలిఫెరేటివ్ ప్రభావాన్ని కూడా ప్రదర్శిస్తాయని అధ్యయనం కనుగొంది. వివిధ ఆంకాలజికల్ (క్యాన్సర్ గురించిన) అధ్యయనాలు క్యాన్సర్ కణాలను నిరోధించడం మరియు వాటిని చంపడంలో నేరేడు పండ్ల గుజ్జు సారం యొక్క సామర్థ్యాన్ని వెల్లడించాయి.


నేరేడు పళ్ళ యొక్క దుష్ప్రభావాలు 

ఇప్పటివరకు మనం నేరేడు పళ్ళ  యొక్క అనేక ప్రయోజనాలను తెలుసుకున్నాము. ఏదేమైనా, నియంత్రణ లేని వినియోగం ఈ క్రింద వివరించబడిన కొన్ని దుష్ప్రభావాలకు కారణం కావచ్చును .

వగరు రుచి కారణంగా, సులభంగా నేరేడు గొంతులో నొప్పిని కలిగించవచ్చును . కాబట్టి సీజన్ మారుతున్న సమయంలో నేరేడు తినకూడదని సిఫార్సు చేయబడుతుంది.
ఉబ్బసం ఉన్నవారికి నేరేడు పళ్ళ అతి వినియోగం వలన ఊపిరి ఆడకపోవచ్చును.  ఇది దీర్ఘకాలికంగా లేదా తీవ్రంగా ఉండవచ్చును .
కొంతమందిలో నేరేడు వినియోగం వలన కొన్ని అలెర్జీలు అభివృద్ధి చెందవచ్చును . అటువంటప్పుడు, తినడాన్ని ఆపివేసి, వెంటనే వైద్యుడిని సంప్రదించండి.
నేరేడులో ఉండే అనేక విటమిన్లు మరియు ఖనిజాల కారణంగా, బలహీనమైన జీర్ణవ్యవస్థ ఉన్నవారిలో కడుపు నొప్పి కలిగించవచ్చును . కాబట్టి ఈ పండు వినియోగాన్ని నియంత్రణలో  ఉంచడం  చాలా మంచిది.

ఉపసంహారం

ప్రస్తుత జీవనశైలి మరియు దాని వేగంతో, ప్రజలు మధుమేహం, అధిక కొలెస్ట్రాల్ మరియు రక్తపోటు వంటి వివిధ వ్యాధుల బారిన పడుతున్నారు. ఒత్తిడి స్థాయిని తగ్గించడం సాధ్యం కాదు కాని సరైన ఆహారం తీసుకోవడం ద్వారా అది శరీరంపై చూపే ప్రభావాన్ని మనం నియంత్రించవచ్చును . నేరేడు పండు కున్నఅనేక రకాల  ఆరోగ్య ప్రయోజనాల వలన దానిని ఒక అద్భుత ఫలంగా పరిగణించవచ్చును . కానీ మనకు తెలిసినట్లుగా, సరైన మరియు పరిమిత మొత్తంలో తీసుకోవడం వలన ఏదైనా ఎల్లప్పుడూ ప్రయోజనకరంగా ఉంటుంది. నేరేడు పళ్ళను తగినంత పరిమాణంలో అందరు తీసుకోవచ్చును . తగినంత మాత్రమే తీసుకోవడం వలన ఈ పళ్ళను పూర్తిగా ఆస్వాదించవచ్చును  మరియు దుష్ప్రభావాలను కూడా నివారించవచ్చు.

మరిన్ని ఆరోగ్య చిట్కాల కోసం ఇక్కడ చూడండి

రావి ఆకు కషాయం ఉపయోగాలు
ఊదలు యొక్క ఉపయోగాలు
అండు కొర్రలు యొక్క ఉపయోగాలు
శతావరి ప్రయోజనాలు, ఉపయోగాలు- దుష్ప్రభావాలు
చేప నూనె వలన కలిగే ప్రయోజనాలు -దుష్ప్రభావాలు
సామలు యొక్క ఉపయోగాలు
అరికెలు యొక్క ఉపయోగాలు
కొబ్బరి బొండం ఒక అమృత కలశం
కరక్కాయ యొక్క పూర్తి వివరాలు
ఎండిన పండ్లు యొక్క పూర్తి వివరాలు
ద్రాక్షపళ్ళ ప్రయోజనాలు మరియు దుష్ప్రభావాలు
అంజీరము యొక్క ఆరోగ్య ఉపయోగములు దుష్ప్రభావాలు
మెంతులు వలన కలిగే ప్రయోజనాలు, దుష్ప్రభావాలు
మజ్జిగ వలన కలిగే ఉపయోగాలు
రోగనిరోధక శక్తిని పెంచేదెలా ఆహారాలు -చిట్కాలు
రక్తాన్ని శుద్ధపరచుకోవడనికి గృహ చిట్కాలు
స్టార్ ఫ్రూట్ ఉపయోగాలు ప్రమాదాలు - దుష్ప్రభావాలు
చిలగడదుంప వలన కలిగే ఉపయోగాలు
సబ్జా గింజలు వల్ల కలిగే ఆరోగ్యం
పప్పులతో జబ్బులు దూరం 
గులాబీ పువ్వు వలన కలిగే ఉపయోగాలు
గురివింద గింజ వలన కలిగే ఉపయోగాలు
తాటి బెల్లం వల్ల కలిగే అద్భుతమైన ఆరోగ్య ప్రయోజనాలు
ఉల‌వ‌లు వలన కలిగే ఉపయోగాలు
వేగంగా బరువు తగ్గించే పానీయాలు
వెల్లుల్లి ప్రయోజనాలు ఉపయోగాలు -దుష్ప్రభావాలు
ఆరోగ్యానిచ్చే పండ్లు
పొగాకు వలన ఉపయోగాలు దుష్ప్రభావాలు
సీతాఫలం వలన కలిగే ఉపయోగాలు దుష్ప్రభావాలు
సోంపు (ఫెన్నెల్ విత్తనాలు) ప్రయోజనాలు దుష్ప్రభావాలు
టమాటా ప్రయోజనాలు మరియు దుష్ప్రభావాలు
శంఖపుష్పి ప్రయోజనాలు మోతాదు - దుష్ప్రభావాలు
అర్జున చెట్టు బెరడు ప్రయోజనాలు -దుష్ప్రభావాలు
ఉత్తరేణి వలన కలిగే ఉపయోగాలు
కానుగ చెట్టు వలన కలిగే ఉపయోగములు
జీర్ణశక్తిని పెంచుకునేదెలా ఆహారాలు -చిట్కాలు
లావణ్యానికి సుగంధ తైలం
సంతులిత ఆహారం యొక్క చార్ట్, ప్రాముఖ్యత ప్రయోజనాలు
అనులోమ విలోమ ప్రాణాయామ యొక్క ప్రక్రియ దశలు 
పసుపు యొక్క ప్రయోజనాలు ఉపయోగాలు  దుష్ప్రభావాలు
 నల్ల జిలకర ప్రయోజనాలు మరియు దుష్ప్రభావాలు
ముఖానికి, జుట్టుకి మరియు చర్మానికి ముల్తానీ మట్టి  ప్రయోజనాలు
మొక్కజొన్న వలన కలిగే ఉపయోగాలు
లీచీ పండు ఎంతవరకు ఆరోగ్యకరం
అరటి పండు ప్రయోజనాలు మరియు దుష్ప్రభావాలు
ఆముదంను జుట్టు పెరగడానికి ఎలా ఉపయోగించాలి
కాల్షియం ఆహారాలు వనరులు ప్రయోజనాలు దుష్ప్రభావాలు
కార్బోహైడ్రేట్లు ఆహారాలు వనరులు ప్రయోజనాలు దుష్ప్రభావాలు
ఉదయాన్నే నీళ్లు తాగడం వల్ల కలిగే ప్రయోజనాలు
అల్ఫాల్ఫా ప్రయోజనాలు మరియు దుష్ప్రభావాలు
ప్రోటీన్ ఆహారాలు ప్రయోజనాలు ఉపయోగాలు దుష్ప్రభావాలు
ఆపిల్ ప్రయోజనాలు, కేలరీలు పోషక విలువలు, దుష్ప్రభావాలు  
పిస్తా పప్పు ప్రయోజనాలు, ఉపయోగాలు దుష్ప్రభావాలు
సగ్గుబియ్యం వలన కలిగే ప్రయోజనాలు  దుష్ప్రభావాలు
గోధుమ గడ్డి వలన కలిగే ఉపయోగాలు
సోయాబీన్ వలన కలిగే ప్రయోజనాలు  దుష్ప్రభావాలు
జిలకర జీలకర్ర విత్తనాల ప్రయోజనాలు   దుష్ప్రయోజనాలు

0/Post a Comment/Comments

Previous Post Next Post