కరివేపాకు ప్రయోజనాలు మరియు దుష్ప్రభావాలు

కరివేపాకు ప్రయోజనాలు మరియు దుష్ప్రభావాలు 


కరివేపాకు చెట్టు ప్రధానంగా ఉష్ణమండం నుండి ఉపఉష్ణమండల ప్రాంతాల చెట్టు. శ్రీలంక మరియు భారతదేశానికి చెందినడి, ఇది రుటాసియే కుటుంబానికి చెందినది, సదాపచెట్టు, సాటిన్వుడ్ మరియు నిమ్మజాతి మొక్కలు కూడా ఈ కుటుంబానికి చెందుతాయి. 4-6 మీటర్ల పొడవు పెరిగే ఒక చిన్న చెట్టు ఇది, దీని కాండము సుమారు 40 సెంమీ వ్యాసం కలిగి ఉంటుంది. వాసనతో కూడిన కరివేపాకులు, కరివేపాకు చెట్ల కొమ్మలపై జంటలుగా  అమర్చబడి ఉంటాయి. ప్రతి రెమ్మ 11-21 ఆకులను కలిగి ఉంటుంది. కరివేపాకు మొక్క స్వీయ పరాగసంపర్కం చేసుకునే చిన్న తెలుపు పువ్వులు కలిగి ఉంటాయి. కూర మొక్క యొక్క పండు ఒక చిన్నగా మరియు మెరిసే-ముదురు రంగులో ఉంటుంది. ఈ పండులో ఒకే పెద్ద విత్తనం ఉంటుంది. ఈ పండు యొక్క గుజ్జును తినవచ్చు. ఇది తీపి రుచితో ఔషధ గుణాలను కలిగి ఉంటుంది. సాధారణంగా, పండు గుజ్జును లేదా విత్తనాన్ని వంట కోసం ఉపయోగించరు.

మసాలాలలో ఉపయోగించే ప్రధాన భాగం కావడంతో, కరివేపాకులను భారత దేశపు దక్షిణ మరియు పశ్చిమ తీర ప్రాంతాలలోని అత్యంత ముఖ్యముగా ఉపయోగిస్తారు . వండినప్పుడు, కరివేపాకులు ప్రత్యేకమైన వాసనను కలిగిస్తాయి, మరియు వంటకానికి ప్రత్యేక రుచిని అందిస్తాయి. ఇది భారతదేశం, శ్రీలంక మరియు సమీపంలోని దేశాల్లో చాలా సాధారణమైనది. శ్రీలంక వంటలలో, వంట మొదలు పెట్టె ముందు, ముందుగా ఈ ఆకులను, కొన్ని ఆవాలను మరియు కొన్ని చిన్న ముక్కలుగా ఉల్లిపాయను కలిపి వేయిస్తారు. కరివేపాకులను సాంబార్, రసం, వడ వంటి అనేక దక్షిణాది భారతీయ వంటకాలలో కూడా వాడతారు. ఉత్తర భారత వంటకం అయిన కఢీ తయారీలో వీటిని కూడా ఉపయోగిస్తారు.

వీటిని కూరల తయారీలో ప్రధానంగా ఉపయోగిస్తారు కాబట్టి కరివేపాకులకు ఆ పేరు వచ్చి ఉండవచ్చు. పలు భారతీయ భాషలలో వీటిని 'తీపి వేప ఆకులు' అని కూడా పిలుస్తారు. వేపాకులు మేలియాసీఏ (Meliaceae) కుటుంబానికి చెందినవి మరియు సాధారణంగా చేదుగా ఉంటాయి అయితే, కరివేపాకు మొక్క రుటాసియే కుటుంబానికి చెందినది.

ఇది ప్రధానంగా వంటకాలలో ఉపయోగించినప్పటికీ, ఆయుర్వేద మరియు సిద్ధ వైద్య విధానాలలో కరివేపాకులను వాటి చెక్కెర వ్యాధి వ్యతిరేక (యాంటీడైయాబెటిక్) లక్షణాల కోసం విస్తృతంగా ఉపయోగిస్తారు. అయినప్పటికీ, దీనికి అధారాలు ధృడంగా లేకపోవడం వలన దీని పై మరింత పరిశోధన అవసరం. తులసి ఆకులకు ప్రత్యామ్నాయంగా ఆచారాలు మరియు పూజలలో కూడా వీటిని ఉపయోగిస్తారు.

కరివేపాకు ప్రయోజనాలు మరియు దుష్ప్రభావాలు

కరివేపాకు (మొక్క) గురించి ప్రాథమిక వాస్తవాలు:

శాస్త్రీయ నామం: ముర్రయ కోయినిగి (Murraya koenigii)
కుటుంబం: రూటేసియే (Rutaceae)
సాధారణ నామం: కర్రీ లీవ్స్, హిందీలో కడిపత్త
సంస్కృత నామం: గిరినిమ్బా
ఉపయోగించిన భాగాలు: ఆకులు
స్థానిక ప్రాంతం మరియు భౌగోళిక విస్తీర్ణం: ఈ ఆకులను ప్రధానంగా భారతదేశం యొక్క పశ్చిమ మరియు దక్షిణ భాగాలలో విస్తృతంగా ఉపయోగిస్తారు. భారతదేశంనుండి వలస వెళ్లిన వారు ఆసియాలోని వివిధ దేశాలలో కరివేపాకులను ఒక ఇంట్లో పెంచుకునే మొక్కగా పరిచయం చేసారు. ఈ రోజుల్లో, భారతదేశం, పాకిస్తాన్, శ్రీలంక, బంగ్లాదేశ్, ఫిజీ, బర్మా, మలేషియా, యూరప్, దక్షిణాఫ్రికా మరియు యునైటెడ్ స్టేట్స్లలో కూరగాయల మార్కెట్లలో మరియు దుకాణాలలో తాజా కరివేపాకులను సులభంగా కనుగొనవచ్చు.

  • కరివేపాకు పోషక విలువలు
  • కరివేపాకుల ఆరోగ్య ప్రయోజనాలు
  • కరివేపాకు దుష్ప్రభావాలు
  • ఉపసంహారం

కరివేపాకు పోషక విలువలు

కరివేపాకులలో కార్బోహైడ్రేట్స్, ఫైబర్, కాల్షియం, ఐరన్, మెగ్నీషియం, కాపర్, ఫాస్పరస్ మరియు ఖనిజాలు వంటి ఎన్నో ముఖ్యమైన పోషకాలు ఉన్నాయి. నికోటినిక్ యాసిడ్ మరియు విటమిన్ సి, విటమిన్ బి, విటమిన్ ఎ వంటి విటమిన్లతో పాటు, యాంటీఆక్సిడెంట్స్, ప్లాంట్ స్టెరాల్స్, అమైనో యాసిడ్లు, గ్లైకోసైడ్స్ మరియు ఫ్లేవానాయిడ్స్ వంటి ఇతర సెకండరీ (ద్వితీయ) పదార్ధాల వంటివి పుష్కలంగా ఉంటాయి.
ఇండియన్ జర్నల్ ఆఫ్ నేచురల్ ప్రొడక్ట్స్ అండ్ రిసోర్సెస్ వాల్యూ 2 (4), డిసెంబరు, 2011 నాటికి, 100 గ్రాములు కరివేపాకులు ఈ క్రింది విలువలను కలిగి ఉంటాయి:

పోషకాలు:100 గ్రాములకు
ప్రోటీన్:6గ్రా
కొవ్వులు:1 గ్రా
కార్బోహైడ్రేట్లు:18.7 గ్రా
కాల్షియం:830 mg
ఐరన్:0.93 mg
బీటా కెరోటిన్:7560 μg

కరివేపాకుల ఆరోగ్య ప్రయోజనాలు

మధుమేహం కోసం:కరివేపాకులు రక్తంలో గ్లూకోజ్ స్థాయిలను నిర్వహిస్తాయి. వీటిలో ఉండే ఖనిజాలు పాంక్రీయాస్ యొక్క బీటా కణాలను ప్రేరేపించి ఇన్సులిన్ ఉత్త్పత్తి అయ్యేలా చేస్తాయి. చెక్కర వ్యాధి రోగులలో కణ మరణం (సెల్ డెత్)  అధికంగా ఉంటుంది, కరివేపాకులో ఉండే యాంటీఆక్సిడెంట్లు ఈ సెల్ డెత్ ను నివారిస్తాయి.

ఆర్థరైటిస్ కోసం: కరివేపాకులో ఆల్కలాయిడ్స్, ట్రైటెర్పినాయిడ్లు మరియు ఫ్లేవానాయిడ్లు ఉంటాయి, అవి  నొప్పి సంచలనాన్ని తగ్గిస్తాయని అధ్యయనాలు సూచిస్తున్నాయి తద్వారా ఆర్థరైటిస్ లక్షణాలను కరివేపాకులు తగ్గిస్తాయి.

ఇన్ఫెక్షన్ల కోసం: కరివేపాకులలో కార్బాజోల్ అల్కలాయిడ్స్ అనే సమ్మేళనాలు ఉంటాయి. ఇవి యాంటీఆక్సిడెంట్, యాంటీ ఇన్ఫ్లమేటరీ మరియు యాంటీ బాక్టీరియల్ లక్షణాలను కలిగి ఉంటాయి. యస్. టైఫీ (S.typhi) మరియు ఈ.కోలి (E.coli) వంటి సాధారణ వ్యాధికారక బాక్టీరియాకు వ్యతిరేకంగా యాంటీ బాక్టీరియల్ లక్షణాలను మరియు సి.అల్బికెన్స్ (C. albicans) మరియు కాండిడా గ్లబ్రాట (Candida glabrata) వంటి ఫంగస్ కు వ్యతిరేకంగా యాంటీ ఫంగల్ చర్యలను కరివేపాకులు చుపిస్తాయని అధ్యయనాలు తెలిపాయి.

రక్తహీనతకు: కరివేపాకులు ఐరన్ కు మంచి మూలకాలు. కాబట్టి కరివేపాకుకు రక్తహీనతనుతగ్గించే లక్షణాలు ఉంటాయి. కరివేపాకు సారాలు ఉండే మిశ్రమాన్ని ప్రతిరోజూ తీసుకుంటే అది రక్తహీనత లక్షణాలను తగ్గించిందని అధ్యయనాలు కూడా సూచించాయి.

గుండె ఆరోగ్యానికి: కరివేపాకులు లిపిడ్ల యొక్క పేరాక్సిడేషన్ను నిరోధిస్తాయి, తద్వారా అథెరోస్క్లెరోసిస్ మరియు అధిక రక్తపోటు వంటి సమస్యల ప్రమాదాన్ని తగ్గిస్తాయి. ఈ రెండూ సమస్యలు గుండె జబ్బుల యొక్క ప్రధాన కారణాలు. అంతేకాక కరివేపాకులలో అధికమొత్తంలో పోటాషియం ఉంటుంది అది గుండెకు మంచిది.

జుట్టుకు: కరివేపాకులలో ఉండే బీటా-కెరోటిన్ జుట్టు రాలడాన్ని తగ్గిస్తుంది మరియు ప్రోటీన్లు జుట్ట పలుచబడకుండా చేస్తాయి. వీటితో పాటు జుట్టు పోషణకు అవసరమయ్యే అనేక ముఖ్య పోషక పదార్దాలు కరివేపాకులో ఉంటాయి.

చర్మం కోసం: కాలిన గాయాలు, కమిలిన గాయాలు, సెగగడ్డలు దద్దుర్లు వంటి పలు రకాల చర్మ సమస్యలకు కరివేపాకులు ఉపశమనం కలిగిస్తాయి.

కడుపు కోసం: కడుపుతిప్పు కోసం కరివేపాకు పేస్టూను మజ్జిగతో కలిపి తీసుకుంటే అది వెంటనే తగ్గిపోతుంది.అలాగే మలబద్దకం, విరేచనాలు, వికారం వాంతులు వంటి వివిధ రకాల కడుపు సమస్యల కోసం కరివేపాకులు సమర్థవంతంగా పని చేస్తాయి.


  • కడుపు కోసం కరివేపాకులు
  • చర్మం కోసం కరివేపాకులు
  • జుట్టు కోసం కరివేపాకులు
  • గుండెకు కరివేపాకులు
  • రక్తహీనత కోసం కరివేపాకులు
  • మధుమేహం కోసం కరివేపాకులు
  • ఆర్థరైటిస్ కోసం కరివేపాకులు
  • ఆందోళన మరియు కుంగుబాటు కోసం కరివేపాకులు
  • అంటువ్యాధులకు కరివేపాకులు

కడుపు కోసం కరివేపాకులు

కరివేపాకులు కడుపుకు అనేక ప్రయోజనాలను కలిగిస్తాయి. అవి కడుపు గడబిడ (తిప్పు)ను తగ్గించడానికి చాలా ఉపయోగకరంగా ఉంటాయి. కడుపు తిప్పు ఉపశమనం కోసం, కరివేపాకు పేస్ట్ ను మజ్జిగతో పాటు తీసుకోవచ్చు. ఖాళీ కడుపుతో తీసుకున్నప్పుడు ఈ చిట్కా ఇంకా ఉత్తమంగా పనిచేస్తుంది. అంతేకాక, కరివేపాకులు ప్రేగు (మల) కదలికను పెంచుతాయి మరియు ఇది ఒక భేదిమందుగా (మృదు విరేచనకారి) పనిచేస్తుంది. అందువల్ల, ఇది మలబద్ధకం నుంచి ఉపశమనం పొందడం కోసం కూడా చాలా ఉపయోగకరంగా ఉంటుంది. రక్త విరేచనాలు, ఒక రకమైన ప్రేగుల వాపు ను తగ్గించడం కోసం పచ్చి కరివేపాకు తినవచ్చు.
కరివేపాకుల రసం, నిమ్మరసం, మరియు చక్కెర కలిపి తీసుకోవడం ద్వారా గర్భిణీ స్త్రీలలో కలిగే వికారం మరియు వాంతులు మరియు మాములు వికారానికి ఉపశమనం కలిగించవచ్చు. అజీర్తి కారణంగా ఏర్పడిన వాంతులకు ఈ కరివేపాకు రసానికి అదనంగా ఒక చెంచా సున్నం కలిపి చికిత్స చేయవచ్చు.

చర్మం కోసం కరివేపాకులు

సెగడ్డలు (సెగ గడ్డలు) మరియు దద్దుర్లు వంటి చర్మ సమస్యలకు కరివేపాకులు మంచి ఇంటి చిట్కాగా పనిచేస్తాయి. వాటి వలన ఏర్పడే మంట నివారించడంలో చాలా ఉపయోగకరంగా ఉంటుంది. చర్మ దురద మరియు మంట నుండి త్వరగా ఉపశమనం పొందడానికి, కరివేపాకులతో తయారు చేసిన పేస్ట్ ను ప్రభావిత ప్రాంతాల్లో పూయవచ్చు. కాలిన గాయాలు, కమిలిన గాయాలు మరియు చర్మ దద్దుర్ల చికిత్సకు కరివేపాకును ఉపయోగించడం ద్వారా సమర్థవంతంగా చికిత్స చేయవచ్చు. అంతేకాకుండా, తాజా కరివేపాకుల రసం ఉపయోగించడం అనేది కంటిశుక్లాల ప్రమాదాన్ని కూడా తగ్గిస్తుంది.


జుట్టు కోసం కరివేపాకులు

కరివేపాకులలో జుట్టు పెరుగుదలకు అవసరమైన పలు ముఖ్యమైన పోషకాలను ఉంటాయి. యాంటీఆక్సిడెంట్స్ మరియు అమైనో యాసిడ్లలో అధికంగా ఉండటం వలన అవి జుట్టు రాలడాన్ని తగ్గించగలవు. కరివేపాకులు వెంట్రుకల/జుట్టు ఫాలికల్స్ ను బలోపేతం చేస్తాయి, తద్వారా వెంట్రుకలు పలుచబడకుండా నివారిస్తాయి.
కరివేపాకులు బీటా-కెరోటిన్ మరియు ప్రోటీన్లకు గొప్ప మూలకాలు. జుట్టు రాలడాన్ని తగ్గించడంలో బీటా-కరోటిన్ చాలా ఉపయోగకరంగా ఉంటుంది మరియు కరివేపాకులలో ఉండే ప్రోటీన్లు జుట్టు పలుచబడడాన్ని నిరోధిస్తాయి. కరివేపాకును కొబ్బరి నూనెతో కలిపి నల్లని మడ్డి కిందకు దిగేవరకు మరిగించి, దానిని ఒక జుట్టు టానిక్ లా ఉపయోగిస్తారు. ఇది జుట్టు పెరుగుదలను ప్రోత్సహిస్తుంది మరియు సహజమైన జుట్టు రీతి/తీరుని నిలిపివుంచడంలో అద్భుతంగా పనిచేస్తుంది.

గుండెకు కరివేపాకులు

కరివేపాకులలో యాంటీఆక్సిడెంట్లు అధికంగా ఉంటాయి, ఇవి గుండె ఆరోగ్యానికి ఉపయోగకరంగా ఉంటాయి. ఇన్ వివో (జంతు ఆధారిత) అధ్యయనాలు కరివేపాకులు ధమనులలో (ఆర్టరీలలో) లిపిడ్ల యొక్క పెరాక్సిడేషన్ను(peroxidation) నిరోధించగలవని సూచిస్తున్నాయి, లేకపోతే అది (పెరాక్సిడేషన్)  అథెరోస్క్లెరోసిస్ మరియు అధిక రక్తపోటు వంటి సమస్యలకు దారితీస్తుంది. ఈ రెండూ సమస్యలు గుండె ఆరోగ్యం మీద హానికరమైన ప్రభావం చూపుతాయి.
పొటాషియం యొక్క ముఖ్యమైన మూలకంగా, కరివేపాకులు గుండె జబ్బు రోగులకు మంచివి. శరీరంలో తక్కువ పొటాషియం స్థాయిలు ఉండడం అనేది గుండె వ్యాధుల ప్రమాదాన్ని ఎక్కువగా కలిగిస్తుంది. పొటాషియంను తక్కువ తీసుకునే అలవాటు ఉన్న 65 ఏళ్ల వయస్సు ఇంకా ఆ పైన వారిలో 50% కంటే ఎక్కువ మందికి రక్తపోటు మరియు అరిథ్మీయా వంటి  హృదయ సంబంధ సమస్యల హాని ఉందని ఇటీవలి క్లినికల్ అధ్యయనాలు తెలిపాయి. ఇవి చివరికి గుండెపోటు మరియు స్ట్రోక్ వంటి పరిస్థితులతో ముడిపడి ఉంటాయి. అటువంటి సమస్యల ప్రమాదాన్ని కరివేపాకులా వంటి పొటాషియం అధికంగా ఆహారాలను తినడం ద్వారా తగ్గించవచ్చు. అయితే, దీనికి మరిన్ని పరిశోధనలు అవసరం.

రక్తహీనత కోసం కరివేపాకులు

రక్తహీనత వ్యాధి ప్రాథమికంగా శరీరంలోని హిమోగ్లోబిన్ మరియు ఎర్ర రక్త కణాల (RBCs) లోపం వలన సంభవిస్తుంది. తక్కువ హిమోగ్లోబిన్ ఆక్సిజన్ సరఫరా యొక్క తగ్గుదలకు దారితీస్తుంది. ఆక్సిజన్ లోపం,అలసట మరియు నీరసం వంటి లక్షణాలకు మరియు ఇన్ఫెక్షన్ల సంభావ్యత పెరగడానికి దారితీస్తుంది. వైద్యుల ప్రకారం, ఐరన్ లోపం రక్తహీనతకు ఒక కారణం కావచ్చు. కరివేపాకులు ఐరన్ కు మంచి వనరు. కరివేపాకులా సారంతో తయారు చేసిన మిశ్రమమును ప్రతిరోజూ తీసుకుంటే రక్తహీన సమస్యలను నివారించడంలో సహాయపడుతుంది. కరివేపాకులా నుండి వచ్చిన ఐరన్ ను ఆహార సప్లిమెంట్ గా తీసుకోవడం వలన అది అధిక టోలరబిలిటీ (tolerability) కలిగిస్తుందని ఒక పరిశోధన సూచించింది. కరివేపాకులు, ఒక సహజ సప్లిమెంట్ కావడం వలన తక్కువ దుష్ప్రభావాలను చూపిస్తాయి.

మధుమేహం కోసం కరివేపాకులు

శరీరంలో గ్లూకోజ్ స్థాయిలను నిర్వహించడంలో కరివేపాకులు చాలా ఉపయోగకరంగా ఉంటాయి. ఐరన్, జింక్, మరియు కాపర్ వంటి ఖనిజాల కారణంగా కరివేపాకుల ఈ లక్షణం ఉంటుంది. ఇన్సులిన్ హార్మోన్ ఉత్పత్తికి కారణమయ్యే, ప్యాంక్రియాస్ యొక్క బీటా-కణాలు కరివేపాకులు తీసుకుంటే ప్రేరేపించబడతాయి. కరివేపాకులు శరీరంలో చక్కెరల జీవక్రియను (మెటబాలిజం)  సానుకూలంగా ప్రభావితం చేస్తాయి. చాలా ఇన్ వివో అధ్యయనాలు కరివేపాకుల యొక్క హైపోగ్లైసెమిక్ (రక్త చక్కెరను తగ్గిస్తుంది) ప్రభావాలను సూచించాయి. మునుపటి క్లినికల్ ట్రయల్స్ లో, నాన్ ఇన్సులిన్ డిపెండెంట్ డయాబెటిస్ (ఇన్సులిన్ అనాధారిత మధుమేహం) కేసులలో కరివేపాకుల పొడి రక్త చక్కెర స్థాయిలను తగ్గించడంలో ఉపయోగకరంగా ఉంటుందని తేలింది.
మధుమేహ రోగుల్లో యాంటీఆక్సిడెంట్లు తక్కువ స్థాయిల్లో ఉంటాయి కాబట్టి వారి శరీర కణాలు వేగంగా చనిపోతాయి. కరివేపాకులు యాంటీఆక్సిడెంట్ల యొక్క సహజ వనరులు. ఇన్సులిన్ ఉత్పత్తికి కారణమయ్యే ప్యాంక్రియాటిక్ కణాలలో కణ మరణాన్ని (సెల్ డెత్) ఇవి తగ్గిస్తాయి.

ఆర్థరైటిస్ కోసం కరివేపాకులు

ఆర్థరైటిస్ అంటే కీళ్ళలో వాపు మరియు నొప్పి కలిగించే ఒక పరిస్థితి. కరివేపాకులలో ఉండే ఆల్కలాయిడ్స్, ట్రైటెర్పినాయిడ్లు మరియు ఫ్లేవానాయిడ్ల నొప్పి సంచలనాన్ని తగ్గిస్తాయని అధ్యయనాలు సూచిస్తున్నాయి, ఎందుకంటే ఆ మూడింటికి అనాల్జిక్ (నొప్పికి ఉపశమనం కలిగించేవి) మరియు యాంటీఇన్ఫలమేటరి  లక్షణాలు ఉంటాయి.
ఆందోళన మరియు కుంగుబాటు కోసం కరివేపాకులు
ఆందోళన రుగ్మతలు 33% జనాభాను ప్రభావితం చేస్తాయి, అయితే కుంగుబాటు 8 నుండి 12% వారిని ప్రభావితం చేస్తాయి. కరివేపాకుల యొక్క సజల సారాలు (aqueous extract) ప్రయోగాత్మక జంతు నమూనాలలో నిరాశ/కుంగుబాటు ప్రవర్తనను తగ్గించాయని ఒక పరిశోధన సూచిస్తుంది, తద్వారా ఇది కరివేపాకుల యాంటిడిప్రేంట్ లక్షణాలు రుజువు చేసింది. పరిశోధన ప్రకారం, కరివేపాకుల యొక్క ఫ్రీ రాడికల్స్ ను తొలగించే చర్య కారణంగా ఆక్సీకరణ ఒత్తిడి తగ్గుతుంది, మరియు క్రమంగా, ఆందోళన మరియు నిరాశ రుగ్మతలు తగ్గడానికి సహాయపడుతుంది.

అంటువ్యాధులకు కరివేపాకులు

కరివేపాకులలో కార్బాజోల్ అల్కలాయిడ్స్ (carbazole alkaloids) అనే సమ్మేళనాలు ఉంటాయని తెలుస్తుంది. ఇవి యాంటీఆక్సిడెంట్, యాంటీ ఇన్ఫ్లమేటరీ మరియు యాంటీ బాక్టీరియల్ లక్షణాలను ఉంటాయి. యస్. టైఫీ (S.typhi) మరియు ఈ.కోలి (E.coli) వంటి సాధారణ వ్యాధికారక బాక్టీరియాకు వ్యతిరేకంగా కరివేపాకులు యాంటీ బాక్టీరియల్ లక్షణాలను చుపించాయని అధ్యయనాలు తెలిపాయి. అలాగే సి.అల్బికెన్స్ (C. albicans) మరియు కాండిడా గ్లబ్రాట (Candida glabrata) వంటి ఫంగస్ కు వ్యతిరేకంగా శక్తివంతమైన యాంటీ ఫంగల్ చర్యలను కూడా కరివేపాకులు కలిగి ఉంటాయి. అందువల్ల, కరివేపాకులు వివిధ రోగకారిక క్రిములు మరియు ఇన్ఫెక్షన్ల నుండి శరీరాన్ని రక్షించడంలో సహాయపడతాయి.
అదనంగా,  కరివేపాకులు లినలూల్ (linalool) ను కలిగి ఉన్నట్లు నివేదించబడింది, ఇది హానికరమైన బ్యాక్టీరియాను చంపగల మరియు కణాలను-నష్టపరిచే ఫ్రీ రాడికల్స్ ను  నాశనం చేయగల సామర్థ్యాన్ని కలిగి ఉంటుంది.

కరివేపాకు దుష్ప్రభావాలు


  • కరివేపాకు కొంతమందిలో అలెర్జీ ప్రతిచర్యలు కారణం కావచ్చు. వక్తికి ఆస్తమా ఉన్నాలేదా పుప్పొడి వంటి మొక్క భాగాలకు అలెర్జీ ఉన్నా అటువంటి వారు కరివేపాకులు తినరాదని సిఫారసు చేయబడుతుంది. 
  • కరివేపాకు సుదీర్ఘకాలం పాటు జుట్టుకు ఉపయోగించడం అనేది హానికరం కావచ్చు. కాబట్టి, మరీ తరచుగా జుట్టు నూనెతో పాటు కరివేపాకును ఉపయోగించడాన్ని నివారించడం మంచిది.
  • కరివేపాకు మొక్కకు  కాసిన పిందులను తినకూడదు. ఈ విషయంపై ఇంకా పరిశోధన చేయవలసి ఉన్నప్పటికీ, కరివేపాకు పిందులు విషపూరితమని చెపుతారు.

ఉపసంహారం

వంటకాలకు సువాసనను అందించగల ఒక ఆహార పదార్థంగా మాత్రమే కాకుండా, కరివేపాకులకు అనేక ఆరోగ్య ప్రయోజనాలు ఉన్నాయి. అయితే, కరివేపాకులు ఎందుకు మరియు ఎలా మానవ శరీరానికి ఆరోగ్య ప్రయోజనాలు అందిస్తున్నాయని తెలుసునేందుకు శాస్త్రవేత్తలు ఇప్పటికీ ప్రయత్నిస్తున్నారు. ఇతర ఆహార పదార్దాల మాదిరిగానే కరివేపాకులు కూడా కొన్ని దుష్ప్రభావాలు కలిగి ఉంటాయి అయితే అవి తాత్కాలికమైనవి మాత్రమే. అవి వ్యక్తిగత శరీరక తీరు మరియు దానిని వినియోగించిన విధానంపై ఆధారపడి ఉంటుంది.

0/Post a Comment/Comments

Previous Post Next Post