Masala Palli: సాయంత్రం స్నాక్స్‌గా తినడానికి మసాలా పల్లీలను ఇలా చేసుకోండి
Masala Palli: మేము చాలా కాలంగా పల్లీలతో వివిధ రకాల ఆహారాలను తయారు చేస్తూ ఉన్నాం. పల్లీలు మన శరీరానికి మేలు చేస్తాయని మనందరికీ తెలుసు. పల్లీలు అనేక విటమిన్లు మరియు ఖనిజాలతో నిండిన ఆహారాలలో ఒకటి. పల్లీలు మీ ఆహారంలో అంతర్భాగంగా ఉన్నప్పుడు వివిధ రకాల క్యాన్సర్‌ల సంభావ్యతను తగ్గించవచ్చని నిపుణులు నమ్ముతారు. ఇవి రక్తంలో చక్కెర స్థాయిలను నియంత్రించడంలో సహాయపడతాయి మరియు ఎముకలను మంచి ఆకృతిలో ఉంచడంలో సహాయపడతాయి. బిడ్డ పుట్టాలని చూస్తున్న స్త్రీలకు కూడా ఇవి చాలా ప్రయోజనకరంగా ఉంటాయి. పల్లీలను ఉపయోగించి వివిధ రకాల ఆహార పదార్థాలను కూడా తయారు చేసుకోవచ్చు. వీటిని ఉపయోగించి చేసే స్నాక్స్‌లో మసాలా పల్లి కూడా ఒకటి. అవి సాధారణంగా బయట అందుబాటులో ఉంటాయి. మార్కెట్‌లో దొరికే మసాలా పల్లీలను ఇంట్లోనే చేసుకోవచ్చు. మసాలా పల్లీలను ఎలా తయారుచేయాలి .వాటిని తయారుచేయడానికి కావల్సిన పదార్థాల గురించి ఇప్పుడు తెలుసుకుందాం.
మసాలా పల్లి తయారు చేయడానికి కావలసిన పదార్థాలు:-
పల్లీ: ఒక కప్పు,
పసుపు- ఒక టీ స్పూన్
కారం- ఒక టీ స్పూన్
ఉప్పు 1/2 టీ స్పూన్
నీళ్లు – కొద్దిగా
Masala Palli: సాయంత్రం స్నాక్స్‌గా తినడానికి మసాలా పల్లీలను ఇలా చేసుకోండి
మసాలా పల్లి తయారీ చేసే విధానం:-
ముందుగా ఒక గిన్నె తీసుకొని దానిలో పసుపు, కారం మరియు ఉప్పు వేసి బాగా కలపాలి. తరువాత ఈ మిశ్రమంలో కొద్ది కొద్దిగా నీటిని పోసుకుంటూ పేస్ట్ లా తయారు చేసుకోవాలి. ఈ పేస్ట్ మ‌రీ ప‌లుచ‌గా, మ‌రీ గ‌ట్టిగా కాకుండా చూసుకోవాలి. స్టవ్ ఆన్ చేసి ఒక గిన్నె పెట్టి వేడి చేసుకోవాలి . ఇప్పుడు దానిలో పల్లీలను వేసి బాగా వేయించుకోవాలి. పల్లీలు బాగా వేగిన తరువాత స్టవ్ ఆపివేసి ముందుగా పేస్ట్ లా చేసుకున్న మిశ్రమాన్ని వేసి ప‌ల్లీల‌కు అంతా ప‌ట్టేలా బాగా క‌లుపుకోవాలి.
ఇప్పుడు స్టవ్ ఆన్ చేసి ఇలా కలిపి పెట్టుకున్న మిశ్రమాన్ని ఒక నిమిషము పాటు చిన్న మంట మీద వేయించి మూత పెట్టి ఉంచాలి .తరువాత వీటిని ప్లేట్ లో వేసుకుని చల్లగా అయ్యే వరకు ఉంచాలి.ఈ విధంగా రుచిగా ఉండే మసాలా పల్లీలు త‌యార‌వుతాయి.
పల్లీలు వేడిగా ఉన్నప్పుడు మెత్త‌గా ఉంటాయి. చల్లగా అయ్యే స‌రికి క్రిస్పీగా త‌యార‌వుతాయి. ఇలా చేసిన మసాలా పల్లీలు 15 రోజుల వరకు నిల్వ ఉంటాయి. సాయంత్రం వేళల్లో అనారోగ్యకరమైన ఆహారాలు తినడం కంటే మసాలా పల్లీలు తినడం వల్ల ఆరోగ్య ప్రయోజనాలు మరియు రుచి లభిస్తాయి.