మునగ ప్రయోజనాలు ఉపయోగాలు మరియు దుష్ప్రభావాలు
మునక్కాయ లేదా మునక్కాడ అనేది మానవజాతి చరిత్రలో విస్తృతంగా ఉపయోగించే మొక్కలు ఒకటి. మునక్కాయ యొక్క విశిష్టత ఏంటి అంటే నీటి లోటు పరిస్థితులలో కూడా పెరిగే అవకాశం ఉంది. ఇది జాగ్రత్త అవసరం లేకుండానే అవసరమైన పోషకాలు, ఖనిజాలు, మరియు విటమిన్లు ఇచ్చే ఒక గొప్ప వనరుగా కూడా ఉంది. వాస్తవానికి, ప్రపంచ వ్యాప్తంగా ఉన్న పండితులు దీనిని సూపర్ ఫుడ్ గా (ఉత్తమ ఆహరంగా) కూడా భావిస్తారు. పరిశోధనా అభివృద్ధితో, ఈ మొక్క యొక్క ఆరోగ్య లాభాల గురించి మరింత మంది ప్రజలు తెలుసుకుంటున్నారు. ఆహారంగా మాత్రమే ఉపయోగించడం కాకుండా,మునక్కాయ మొక్కను ఇంధనం కోసం, పశువుల పెంపకం, ఎరువులు మరియు సౌందర్యసాధనాలు మరియు సుగంధద్రవ్యాలలో కూడా ఉపయోగిస్తారు.
ఇది ఈరోజు ఒక అద్భుతమైన చెట్టు. ఇది ఆధునిక ఆవిష్కరణ కాదు. మునగ చెట్టును మానవులు 150 బి.సి. లోనే ఉపయోగించారు. కొందరు చరిత్రకారుల ప్రకారం, మౌర్య సైన్యం యొక్క ప్రధాన పోషక పదార్ధంగా మునక్కాయ ఉంది. అదే అలెగ్జాండర్ సైన్యాన్ని ఓడించిందని ప్రసిద్ధి చెందింది. ఆయుర్వేదం ప్రకారం, కనీసం 300 మానవ వ్యాధులకు చికిత్స చేయగల సామర్థ్యం మునక్కడకు ఉంది. కేవలం మునగాకులే వాటి అద్భుతమైన వైద్యం సంభావ్యత కోసం ప్రసిద్ది చెందాయి. మునక్కాయ చెట్టు యొక్క ఆరోగ్య ప్రయోజనాలు అన్ని తెలుస్తే, మనం దాన్ని ఒక అద్భుతమైన చెట్టు అని కూడా తెలుసుకుంటాము.
మునగ చెట్టు గురించి కొన్ని ప్రాధిమిక నిజాలు
శాస్త్రీయ నామము: మొరింగా ఒలిఫెర (Moringa oleifera)
కుటుంబం: ఫెబెసీ (Fabaceae)
సాధారణ నామాలు: మునగచెట్టు, సాహిజన్, డ్రమ్ స్టిక్ ట్రీ, హార్స్రాడిష్ ట్రీ, బెన్ ఆయిల్ ట్రీ
సంసృత నామము: శోభంజాన, డన్సషముల, శీఘ్ర శోభంజాన
ఉపయోగించే భాగాలూ: వేర్లు, బెరడు, కాయలు, ఆకులు, పువ్వులు, పసరు.
స్థానిక ప్రాంతం మరియు భౌగోళిక విస్తీర్ణం: మునగ చెట్టు ఉత్తర భారత దేశానికి చెందినది. కానీ ప్రపంచ వ్యాప్తంగా ఉష్ణమండలములు, ఉప ఉష్ణమండలములలో బాగా పెరుగుతుంది.
శక్తి శాస్త్రం: వేడి
- మునగ ఆరోగ్య ప్రయోజనాలు
- మునగ ఉపయోగాలు
- మునగ మోతాదు
- మునగ దుష్ప్రభావాలు
మునగ ఆరోగ్య ప్రయోజనాలు
మునగ చెట్టును దాని యొక్క అనేక వైద్యం ప్రయోజనాల గురించి దానిని అద్భుత చెట్టు అని కూడా పిలుస్తారు. మునగ యొక్క క్రమమైన వినియోగం వ్యాధులను తొలగించడంలో మాత్రమే కాక దాని యొక్క పోషక లక్షణాలు, ఆరోగ్య ప్రయోజనాలు పోషక లోపాలు నిర్మించడంలో దానిని ఒక ఖచ్చితమైన ఆహార పదార్థంగా చేస్తాయి. .
అత్యంత పోషకరమైనది: మునగ పోషకాలు మరియు ఖనిజాలతో నిండి ఉంటుంది. ఫైబర్ యొక్క అద్భుతమైన మూలం. ఇది భారతదేశం మరియు ఆఫ్రికాలో ఆరోగ్య సప్లిమెంట్లలో ఒక పదార్ధంగా విస్తృతంగా కూడా ఉపయోగించబడుతుంది.
పాలిచ్చు తల్లులకు ప్రయోజనాలు: మునగ ఒక గెలాక్టగాగ్ (galactagogue) నిరూపించబడింది. ఇది చనుబాలిచ్చు తల్లులలో పాల స్రావం మరియు ప్రవాహాన్ని కూడా మెరుగుపరుస్తుంది.
బరువు తగ్గుదలను ప్రోత్సహిస్తుంది: మునగ జీవసంభందమైన ఏజెంట్లు కలిగి ఉంది. అవి బరువు తగ్గుదల ప్రయోజనాలు కలిగి ఉంటాయని సూచించారు. అవి శరీర బరువును తగ్గించి BMI ను బాగా మెరుగుపరుస్తాయి.
చర్మ మరియు జుట్టు ప్రయోజనం: మునగ చర్మం మరియు జుట్టు సమస్యలకు అన్నింటికీ ఒక చక్కటి పరిష్కారం. ఇది చర్మాన్ని హైడ్రేట్ చేసి మరియు పోషిస్తుంది, జుట్టు పెరుగుదలను కూడా మెరుగుపరుస్తుంది. UV నష్టం మరియు ముదురు మచ్చలు, ముడుతలు మరియు జుట్టు నెరవడం సంకేతాలను కూడా నిరోధిస్తుంది.
రక్తపోటును తగ్గిస్తుంది: మునగ రసం హైపోటెన్సివ్ (రక్తపోటును తగ్గించడం) లక్షణాలను కలిగి ఉందని పరిశోధన కూడా సూచిస్తున్నాయి. దానిలో ఉన్న ఫ్లేవానాయిడ్లకు అందుకు చాలా కారణం.
అల్జీమర్ యొక్క లక్షణాలను మెరుగుపరుస్తుంది: వివో (ప్రయోగశాల ఆధారిత) అధ్యయనాల్లో మునగలో ఉండే అనామ్లజనకాలు అల్జీమర్స్ విషయంలోని జ్ఞాపకశక్తి మెరుగుపరచడంలో మరియు ఆలస్యంగా జ్ఞానం కోల్పోవడంలో ప్రభావవంతంగా ఉన్నాయని సూచిస్తున్నాయి. ఏది ఏమయినప్పటికీ, క్లినికల్ గా ఇంకా ఈ పరిశీలనలు నిర్ధారించబడలేదు.
పైన చెప్పిన ప్రయోజనాలే కాకుండా, రక్తహీనతను నివారించడంలో మోర్రెరా ప్రభావవంతంగా సూచించబడింది.
- బరువు తగ్గుదల ప్రయోజనాలకు మునగ
- మునగ ఒక పోషక వనరు
- చర్మం కోసం మునగ ప్రయోజనాలు
- కొలెస్ట్రాల్ కోసం మునగ
- మధుమేహం కోసం మునగ
- అధిక రక్తపోటు కోసం మునగ
- మునగ యాంటి ఇన్ఫ్లమేటరీ సంభావ్యత
- కాలేయం కోసం మునగాకు
- కళ్ళ కోసం మునగాకు
- యాంటియోక్సిడెంట్ గా మునగ
- రక్తహీనత కోసం మునగ
- అల్జీమర్స్ కోసం మునగ
- మునగ క్యాన్సర్ వ్యతిరేక లక్షణాలు
- పాలిచ్చు తల్లులకు మునగ
- పురుషుల కోసం మునగ
బరువు తగ్గుదల ప్రయోజనాలకు మునగ
మునగ ఆయుర్వేద మరియు సాంప్రదాయ వైద్య వ్యవస్థలో తెలిసిన బరువు తగ్గుదల కర్త. జంతు ఆధారిత అధ్యయనాలు మునగలో ఉన్న ఐసోతయోసైనేట్స్ (isothiocyanates) కు స్థూలకాయ వ్యతిరేక లక్షణాలు ఉన్నాయని కూడా తెలిపాయి. రెండు వేర్వేరు క్లినికల్ ట్రయల్స్ లో, మునగ యొక్క పోలిహేర్బల్ (polyherbal) సూత్రీకరణలు ఎటువంటి తీవ్రమైన దుష్ప్రభావాలను చూపకుండా,శరీర బరువు మరియు BMI (బేసల్ మెటబోలిక్ ఇండెక్స్) తగ్గించడంలో ప్రభావవంతంగా ఉన్నాయని కూడా నివేదించబడింది.
అయినప్పటికీ, మునగ బరువు నష్ట చర్యలు మరియు సరైన మోతాదు తెలుసుకోవడానికి మరిన్ని అధ్యయనాలు చేయాలి. మునగను బరువు తగ్గింపు కోసం ఉపయోగించటానికి ముందు ఆయుర్వేద వైద్యునితో మాట్లాడాలని ఎల్లప్పుడూ సిఫార్సు కూడా చేస్తారు.
మునగ ఒక పోషక వనరు
పరిశోధన ప్రకారం, వృక్షలలో అత్యధిక పోషకాహార వనరులు కలిగి ఉన్న వాటిలో మునగ ఒకటి. మునగ బెరడు లిపిడ్ల యొక్క గొప్ప మూలం కాగా, దాని కాయలు పిండి పదార్దాలలో (కార్బోహైడ్రేట్లలో) పుష్కలంగా ఉంటాయని అధ్యయనాలు కూడా సూచిస్తున్నాయి. దాదాపు మునగ యొక్క అన్నిభాగాలలో ఫైబర్(పీచు పదార్దాలు) అధికంగా కనిపిస్తుంది. జింక్, ఐరన్, కాల్షియం, సోడియం, మెగ్నీషియం మరియు పొటాషియం వంటి ఖనిజాలు కూడా మునగలో అధికంగా ఉన్నాయని నివేదించబడింది. వాస్తవానికి, ఇది భారతదేశం మరియు ఆఫ్రికాలో జరిగే వివిధ పోషణ కార్యక్రమాలలో ఆరోగ్య అనుబంధకంగా విస్తృతంగా ఉపయోగించబడింది. అయితే, కొన్ని ప్రయోగశాల అధ్యయనాలు మునగాకులో కొన్ని జీర్ణంకాలేని (indigestible) పోషకాలు కూడా ఉన్నాయని సూచిస్తున్నాయి. మీరు ఆరోగ్య సప్లిమెంట్గా మునగ సరైనదా లేదా అని తెలుసుకోవాలంటే, డైటీషియన్ లేదా ఆరోగ్య నిపుణుడితో మాట్లాడడం చాలా ఉత్తమం.
చర్మం కోసం మునగ ప్రయోజనాలు
యౌవనమైన మరియు ప్రకాశించే చర్మం కోరుకునే వారు ఎవరు ఉండరు? అనేక మంది వ్యాపారులు వారి సౌందర్య ఉత్పత్తుల ఉత్తమ శ్రేణులలో వృద్ధి చెందాలని కోరుకుంటారు. కానీ దురదృష్టవశాత్తు, ఈ ఉత్పత్తుల్లో అధికభాగం రసాయన ఆధారిత పదార్దాలతో తయారు చేస్తారు, ఇవి దుష్ప్రభావాలను కలిగిస్తాయి. వీటిలో అవగాహన పెరగడంతో, మొక్క ఆధారిత లేదా సహజ ఉత్పత్తుల కోసం గిరాకీ బాగా పెరుగుతుంది.
మునగ అటువంటి విస్తృతంగా అధ్యయనం చెయ్యబడిన మొక్కలలో ఒకటి, మరియు దానిని చర్మాన్ని పోషించే మరియు వృద్ధాప్య వ్యతిరేక ప్రయోజనాలు కోసం కూడా ఉపయోగిస్తారు. దాన్నీ ఉపయోగించే వారికి ప్రయోజనాలను అందించడమే కాకుండా, ఈ సహజ ఉత్పత్తులు శరీరం లేదా చర్మంపై ఏ విధమైన దీర్ఘకాలిక దుష్ప్రభావాలు కూడా కలిగించవు.
ఇటీవల అధ్యయనాలు మునగాకు సారాలు చర్మం మీద UV నష్టాన్ని కూడా తగ్గిస్తాయని, అలాగే చర్మం మెరిసేలా చేస్తాయని సూచిస్తున్నాయి. తదుపరి అధ్యయనాలు మునగలో ఓలీక్ యాసిడ్ (oleic acid) పుష్కలంగా ఉన్నట్లు సూచిస్తున్నాయి, ఇది చర్మానికి ఒక అద్భుతమైన తేమను మరియు శుభ్రతను కూడా కలిగిస్తుంది. మునగ నూనె యొక్క తేమ లక్షణం వివిధ లోషన్లు మరియు సౌందర్య ఉత్పత్తుల తయారీలో ఉపయోగించబడుతోంది.
అదనంగా, మునగలో ఉన్న ఫ్లేవానాయిడ్స్ మరియు ఫినాలిక్స్ శక్తివంతమైన వృద్ధాప్య వ్యతిరేక సామర్థ్యాన్ని కలిగి ఉన్నాయని పేర్కొన్నారు. ఒక సహజ సమ్మేళనం చర్మాన్ని యవ్వనంగా మాత్రమే కాక ఆరోగ్యకరమైనదిగా కూడా చేస్తుంది మరియు మిమల్ని మరింత యవ్వనంగా చెయ్యడంలో కూడా సహాయపడుతుంది. మునగ యొక్క పైన పేర్కొన్న అన్ని లక్షణాలు పరిపూర్ణ ప్రకాశవంతమైన చర్మం కోసం చూస్తున్న ప్రతి ఒక్కరికి కోసం మునగను ఒక సరైన ఎంపికను చేస్థాయి.
కొలెస్ట్రాల్ కోసం మునగ
ఇన్ విట్రో (ప్రయోగశాల ఆధారిత) అధ్యయనాలు మునగాకులలో ఉన్న ఫినాలిక్స్ మరియు టానిన్లు హైపోలిపిడెమిక్ (hypolipidemic) (కొలెస్ట్రాల్ తగ్గిస్తుంది) లక్షణాలను ఉన్నట్లు సూచించారు.
మునగాకు యొక్క క్రియాశీలక (active components) భాగాలు ప్యాంక్రియాటిక్ ఎంజైమ్పై పై వ్యతిరేక ప్రభావాన్ని కలిగి ఉన్నాయని నివేదించబడింది, ఇది శరీరం కొలెస్ట్రాల్ను గ్రహించడంతో తగ్గింపుకు దారి తీస్తుంది మరియు అదనపు కొలెస్ట్రాల్ను బయటకు విడుదల చేసేస్తుంది. ఒక ఇన్ వివో అధ్యయనంలో, మునగాకుల యొక్క బ్యూటనాల్ (butanol) శాతం శరీరంలోని రక్త కొలెస్ట్రాల్ స్థాయిలు తగ్గించడం ఉపయోగకరంగా కూడా ఉంటుంది సూచించారు.
అయితే, క్లినికల్ ఆధారాలు లేనందున, మానవులలో మునగ యొక్క హైపోలియోపిడెమిక్ చర్య గురించి ఎక్కువ చర్చించలేము.
మధుమేహం కోసం మునగ
ఇన్ వివో (జంతు ఆధారిత) అధ్యయనాలలో మునగాకు సారాలా యొక్క హైపోగ్లైసెమిక్ (రక్త చక్కెర స్థాయిలను తగ్గిస్తుంది) ప్రభావాలను కూడా సూచించాయి.
ఇంటర్నేషనల్ జర్నల్ ఫర్ ఫుడ్ సైన్స్ అండ్ న్యూట్రిషన్ లో ప్రచురించిన ఒక కథనం ప్రకారం, శరీరంలోని ఇన్సులిన్ సున్నితత్వంపై మునగ ప్రత్యక్ష ప్రభావాన్ని కలిగి లేదు. అయితే, ఇటీవలి క్లినికల్ అధ్యయనంలో, మునగ మరియు వేప పదార్ధాల కలయిక రక్తంలో చక్కెర స్థాయిలను తగ్గించడంలో మరింత శక్తివంతమైనదిగా గుర్తించబడింది ఈ మూలికల విడి విడి ఉపయోగం కంటే.
మరొక మానవ ఆధారిత పరిశోధనలో, మునగాకు మధుమేహంతో జీవిస్తున్న ప్రజలలో రక్తంలో చక్కెర స్థాయిలను గణనీయంగా తగ్గించలేదు. అందువల్ల ముధుమేహం కోసం ఏ రూపంలో అయినా మునగాకు తీసుకునే ముందు మీ ఆయుర్వేద వైద్యుడిని అడగడం ఉత్తమం
అధిక రక్తపోటు కోసం మునగ
శరీరంలో రక్తపోటును నిర్వహించడం లో మునగ యొక్క సామర్థ్యాన్ని పరీక్షించడానికి అనేక అధ్యయనాలు చేయబడ్డాయి. కనీసం రెండు ఇన్ వివో అధ్యయనాలు, అధిక రక్తపోటును తగ్గించడంలో మునగ విత్తనాలు ఉపయోగకరంగా ఉన్నాయని కూడా సూచిస్తున్నాయి.
ఇటీవలి క్లినికల్ అధ్యయనంలో, అధిక రక్తపోటుతో బాధపడుతున్న 20 మందికి రోజుకు రెండు సార్లు 30 రోజుల పాటు మునగాకు రసం ఇవ్వబడింది. నియమిత సమయం ముగిసిన తరువాత, డయాస్టొలిక్ మరియు సిస్టోలిక్ రక్తపోటు స్థాయిలలో గణనీయమైన తగ్గింపు గమనించబడింది. ఇది మునగాకులలో ఉండే ఫ్లేవానాయిడ్లను ప్రాధమిక హైపోటాటెన్సివ్ (hypotensive) ఏజెంట్ (రక్తపోటును తగ్గిస్తుంది) వలన అని కూడా సూచించారు. అయినప్పటికీ, మహిళలపై మునగాకుల ప్రభావాలను పరీక్షించడానికి మరిన్ని అధ్యయనాలు కూడా నిర్వహించబడుతున్నాయి.
మునగ యాంటి ఇన్ఫ్లమేటరీ సంభావ్యత
వాపు అనేది శరీరం గాయపడడం మరియు ఎర్రబడడాన్ని సూచిస్తుంది. వైద్యుల ప్రకారం,నిజానికి వాపు, రోగనిరోధక వ్యవస్థ చురుకుగా ఇన్ఫెక్షన్లపై బాగా పోరాడుతుంది అనడానికి ఒక సూచన . బ్రోన్కైటిస్ (శ్వాస వ్యవస్థలో వాపు) మరియు డెర్మటైటిస్ (చర్మ వాపు) వంటి వ్యాధులు సాధారణంగా వాపుతో సంబంధం కలిగి ఉంటాయి.
అనేక అధ్యయనాలు మునగాకును ఒక అద్భుతమైన వాపు నిరోధక కర్త అని సూచిస్తున్నాయి. మునగాకుల యొక్క ఎథైల్ అసిటేట్ (ethyl acetate) సారాలు సిగరెట్ పొగకు వ్యతిరేకంగా శక్తివంతమైన వాపు నిరోధక ప్రభావాలు కలిగి ఉన్నాయని ఒక ఇన్ వివో అధ్యయన అభిప్రాయం. మునగాకులు రోగనిరోధక వ్యవస్థ యొక్క సైటోకైనిన్స్ మీద ప్రత్యక్ష నిరోధక ప్రభావాన్ని కలిగి ఉన్నాయని సూచించారు. సైటోకైనిన్స్ శరీరంలోని ప్రధాన వాపు కారకాలు. మునగాకుల యొక్క ఐసోతయోసైనేట్ (isothiocyanate) శాతం కూడా వాపు నిరోధక ప్రభావాలకు కారణమని మరో అధ్యయనం కూడా పేర్కొంది. అయినప్పటికీ, ఈ అధ్యయనాలు చాలావరకు ప్రయోగశాలలలో చేసినవి లేదా జంతు ఆధారిత నమూనాలు. మానవులలో మునగాకు యొక్క వాపు నిరోధక ప్రభావాలు గురించి చాలా స్పష్టంగా కూడా తెలియలేదు.
కాలేయం కోసం మునగాకు
మునగాకు యొక్క హెపటోప్రొటెక్టీవ్ (hepatoprotective) (కాలేయాన్నిరక్షించే) చర్యను పరీక్షించడానికి అనేక ఇన్ వివో అధ్యయనాలు కూడా జరిగాయి. అన్ని ప్రయోగశాల అధ్యయనాలు మునగాకును కాలేయ నష్టాన్ని సమర్థవంతంగా అరికడుతుంది అని సూచించాయి. అటువంటి ఓక అధ్యయనం ప్రకారం,మునగాకులు కాలేయంలో వాపు మరియు కొవ్వులు చేరడాన్ని తగ్గించడానికి జెనెటిక్ ఎక్సప్రెషన్ లో జోక్యం చేసుకుంటుందని తెలిపాయి.
ఫైబ్రోసిస్ విషయంలో కాలేయ నష్టాల లక్షణాలను తగ్గించడానికి మునగాకులు బలమైన శోథ నిరోధక మరియు యాంటీఆక్సిడెంట్ ప్రభావాన్ని ప్రదర్శిచాయని మరిన్ని జంతు ఆధారిత అధ్యయనాలు సూచించాయి. మానవ అధ్యయనాలు లేనందున, ఆరోగ్య అనుబంధకంగా మునగను తీసుకునే ముందు మీ వైద్యున్ని సంప్రదించడం చాలా మంచిది.
కళ్ళ కోసం మునగాకు
మునగాకులు మొక్కలలో అత్యంత పోషకమైన ఆహార పదార్థాలలో ఒకటిగా గుర్తించబడుతున్నాయి. ఇది అవసరమైన ఖనిజాలు మరియు పోషకాలలో మాత్రమే కాక, విటమిన్లు యొక్క గొప్ప మూలం. మనకు అందరికీ తెలిసినట్లుగా, విటమిన్ ఎ (A) ఆరోగ్యానికి మరియు మన కళ్ళకు చాలా ముఖ్యమైనది. ఈ ముఖ్యమైన విటమిన్ లో లోపం రేచీకటి, కంటిశుక్లాలు మరియు తీవ్రమైన సందర్భాల్లో చూపును కోల్పోవడం వంటి పరిస్థితులకు కూడా దారితీస్తుంది.
మునగాకు మరియు విత్తనాలు విటమిన్ ఎ యొక్క గొప్ప వనరు అని అధ్యయనాలు సూచించాయి. ఈ మొక్క యొక్క క్రమమైన ఆహార వినియోగం విటమిన్ A మరియు విటమిన్ సి లను పెద్ద మొత్తంలో కూడా అందిస్తుంది
ఒక ఇన్ విట్రో అధ్యయనంలో మునగాకు యొక్క ఇథనాల్ (ethanol) సారాలు సమర్థవంతంగా కంటిశుక్లం లక్షణాలను తగ్గించగలవు అని తేలింది. కానీ, మానవులలో మునగాకు యొక్క కంటి శుక్లాల వ్యతిరేక ప్రయోజనాలను నిర్ధారించడానికి స్పష్టమైన అధ్యయనం లేదు. అందువల్ల, మీ కళ్ళపై మునగ చెట్టు ప్రయోజనాలను అర్ధం చేసుకోవడానికి మీ వైద్యునితో మాట్లాడటం మంచిది.
యాంటియోక్సిడెంట్ గా మునగ
యాంటీఆక్సిడెంట్లు శరీరంలో స్వేచ్ఛా రాశులును (Free radicles) నిర్ములించడానికి పనిచేసే ఒక జీవసంబంధ సమ్మేళనాలు. అందువలన, అవి శరీరంలో ఆక్సీకరణ ఒత్తిడి తగ్గించడానికి మరియు కీళ్లవాపు, అథెరోస్క్లెరోసిస్ (ధమనులలో ఫలకాలు ఏర్పడడం), ఆస్తమా, క్యాన్సర్ మొదలైన కొన్ని దీర్ఘకాలిక వ్యాధుల ప్రమాదాన్ని తగ్గించడానికి బాగా సహాయం చేస్థాయి. ఇన్ విట్రో మరియు ఇన్ వివో అధ్యయనాలు మునగ చెట్టులో ఉన్న కొన్ని నిశ్చిత సమ్మేళనాలు సమర్థవంతమైన యాంటియోక్సిడెంట్ లక్షణాలను కలిగి ఉన్నాయని తెలిపాయి.
భారతదేశంలో జరిపిన ఒక అధ్యయనం, మునగాకు, బెరడు, వేర్లు మరియు పుష్పాలు అద్భుతమైన చికిత్స మరియు యాంటీ ఆక్సిడెంట్ సంభావ్యత కలిగి ఉన్నాయని సూచిస్తున్నాయి. అంతేకాక, మునగ మొక్క కనీసం 30 వివిధ రకాల యాంటీఆక్సిడెంట్ల ను కలిగి ఉన్నాయని సూచించారు. మరొక అధ్యయనంలో, మునగాకులో ఉన్న ఒక ఫ్లేవానోయిడ్ దాని యాంటీ ఆక్సిడెంట్ చర్యకు బాధ్యత వహిస్తుందని కూడా తెలిసింది.
రక్తహీనత కోసం మునగ
మునగను సాంప్రదాయ వైద్య వ్యవస్థలో రక్తహీనతకు ఒక ఔషధంగా ఉపయోగిస్తారు. ఇటీవలి అధ్యయనాలు మునగ ఇనుము యొక్క అద్భుతమైన మూలం అని సూచిస్తున్నాయి. అదనంగా, మునగాకులు రక్తహీనత వ్యతిరేక (anti-anemic) ప్రభావాలను కలిగి ఉన్నాయని తెలిపాయి.
వాణిజ్యపరంగా ఆమోదించబడిన ఔషధం ఫెర్రిక్ సిట్రేట్ (ferric citrate) కంటే మునగ సామర్ధ్యం ఎక్కువ అని నమ్ముతారు. అయితే, క్లినికల్ ట్రయల్స్ లేనందున, మునగ యొక్క రక్తహీనత వ్యతిరేక ప్రభావాల గురించి మీ వైద్యుడిని అడగటం ఉత్తమం.
అల్జీమర్స్ కోసం మునగ
అల్జీమర్స్ అనేది ఒక నరాల క్షణత వ్యాధి ( మెదడు పనితీరును అడ్డుకుంటుంది). సాధారణ మెదడు పనితీరు యొక్క క్షీణతతోపాటు జ్ఞాపకశక్తి మరియు జ్ఞానం కోల్పోవటం వంటివి ఈ వ్యాధి లక్షణాలుగా గుర్తించబడతాయి. USA యొక్క అల్జీమర్స్ అసోసియేషన్ ప్రకారం, 80% చిత్తవైకల్యం/పిచ్చి రోగులు అల్జీమర్స్తో సంబంధం కలిగి ఉన్నారు. చికిత్స యొక్క ప్రస్తుత శ్రేణులు ఖరీదైన మందులు మరియు పునరావృతం అయ్యేలా ఉన్నాయి.
మునగాకుల జల సారాలు అల్జీమర్స్ యొక్క పురోగతిని మందగించడంలో సహాయపడే బలమైన యాంటీ ఆక్సిడెంట్ సంభావ్యతను కలిగి ఉన్నాయని ఇన్ వివో అధ్యయనాలు సూచించాయి. అంతేకాకుండా, మునగాకుల్లో ఉండే విటమిన్లు మరియు ఫ్లేవానాయిడ్లు దాని యాంటీ ఆక్సిడెంట్ కార్యకలాపాలకు బాధ్యత వహిస్తున్నాయని పరిశోధన సూచిస్తుంది. మానవ అధ్యయనాలు లేకపోవడం వలన, అల్జీమర్స్ యొక్క చికిత్స లో ఈ మొక్క సామర్థ్యాన్ని గురించి మరింత తెలుసుకోవడానికి మీ ఆయుర్వేద వైద్యున్ని సంప్రదించడం మంచిది.
మునగ క్యాన్సర్ వ్యతిరేక లక్షణాలు
మునగ మొక్క యొక్క క్యాన్సర్ వ్యతిరేక సంభావ్యత రొమ్ము క్యాన్సర్, పెద్దప్రేగు కాన్సర్, ఊపిరితిత్తుల క్యాన్సర్, చర్మ క్యాన్సర్ మరియు కాలేయ క్యాన్సర్ సహా వివిధ రకమైన క్యాన్సర్ చికిత్సల కోసం అధ్యయనం చేయబడింది. మునగాకులు, కాండం, వేర్లు మరియు బెరడు పదార్దాలు నోటి ఔషధంగా ఇచ్చినప్పుడు అద్భుతమైన క్యాన్సర్ వ్యతిరేక కారకాలుగా పనిచేశాయని ప్రయోగశాల అధ్యయనాలు కూడా సూచిస్తున్నాయి.
మునగ సారాలు క్యాన్సర్ కణాల అపోప్టోసిస్ (apoptosis) (కణ మరణం) ను జరిపి తద్వారా శరీరంలో క్యాన్సర్ కణాల వ్యాప్తిని బాగా తగ్గిస్తాయని అని చెప్పబడింది. ఒక అధ్యయనం మునగ చెట్టు యొక్క వేళ్ళ సారాలు ఆకు సారాల కంటే క్యాన్సర్ కణాలను చంపడంలో మరింత సమర్థవంతమైనదని సూచిస్తుంది.
ఆసియా పసిఫిక్ జర్నల్ అఫ్ క్యాన్సర్ ప్రివెన్షన్ లో ప్రచురించిన సమీక్ష వ్యాసం ప్రకారం, మునగ మొక్కలో మానవ క్యాన్సర్ కణాలలో అపోప్టోసిస్ ను జరపడంలో ప్రధానంగా బాధ్యత వహించే గ్లూకోమొరింజిన్ (glucomoringin) అనే సమ్మేళనంలో అధికంగా ఉంటుంది. అయినప్పటికీ, మానవులలో మునగ యొక్క క్యాన్సర్ వ్యతిరేక సంభావ్యతను నిర్ధారించడానికి ఇంకా ఎక్కువ అధ్యయనాలు అవసరమవుతాయి.
పాలిచ్చు తల్లులకు మునగ
ఆయుర్వేద వైద్యుల ప్రకారం, మునగాకు ఒక అద్భుతమైన స్తన్యవృద్ధ్యౌషధము (galactagogue) (రొమ్ము పాలను పెంచుతుంది). ఫిలిప్పీన్ జర్నల్ అఫ్ పీడియాట్రిక్స్ లో ప్రచురించబడిన సమీక్షా వ్యాసం చనుబాల సరఫరాను పెంచడంలో మునగ యొక్క సామర్థ్యాన్ని పరీక్షించడానికి ఇప్పటివరకు కనీసం 5 క్లినికల్ ట్రయల్స్ నిర్వహించామని కూడా సూచించింది.
క్లినికల్ అధ్యయనాలు అన్ని పాలిచ్చు తల్లులులో పాల శాతం మరియు పాల ప్రవాహంలో గణనీయమైన పెరుగుదల కూడా చూపించాయి. అయితే, చర్య యొక్క క్రియావిధానం ఇప్పటికీ అస్పష్టంగా ఉంది మరియు మరింత పరిశోధన అవసరం. పాలిచ్చు తల్లులు మరియు శిశువుల పై మునగ యొక్క ప్రభావాలను తెలుసుకునేందుకు వైద్యునితో మాట్లాడడం చాలా మంచిది.
పురుషుల కోసం మునగ
మునగ సంప్రదాయ వైద్య వ్యవస్థలో ఒక తెలిసిన కామోద్దీపన మూలిక. జంతు ఆధారిత అధ్యయనాలు మునగ పురుషులలో టెస్టోస్టెరోన్ స్థాయిలపై ప్రోత్సహకర ప్రభావాన్ని కలిగి ఉంటుందని సూచిస్తున్నాయి.
అంతేకాకుండా, మునగాకుల వినియోగం లైంగిక ప్రేరణను పెంచుతుందని చెప్పబడింది. కానీ మానవులపై ఇటువంటి ప్రభావాలను నిర్ధారించడానికి మానవ అధ్యయనాలు ఇప్పటివరకు చేయలేదు. కాబట్టి, మునగ యొక్క కామోద్దీపన లక్షణాల గురించి మరింత తెలుసుకోవాలంటే మీ ఆయుర్వేద వైద్యున్ని సంప్రదించడం మంచిది.
జుట్టుకు మునగ ప్రయోజనాలు
మునగ ముఖ్యమైన పోషకాలు, విటమిన్లు, మరియు ఖనిజాలకు గొప్ప వనరుగా ఉంది. మునగ యొక్క ఈ పోషక లక్షణం జుట్టుకు మంచి టానిక్గా పని చేస్తుంది. మునగ జుట్టు ముసుగులు (hair masks) అధికమైన మరియు ఆరోగ్యకరమైన వెంట్రుకలు పొందటానికి విస్తృతంగా ఉపయోగించబడుతున్నాయి.
అదనంగా, మునగ యాంటియోక్సిడెంట్ల యొక్క గొప్ప వనరుగా ఉంటోంది. ఇది జుట్టు రాలడాన్ని తగ్గించి మరియు జుట్టు ముందుగా నెరవడాన్ని బాగా అరికడుతుంది. మునగ నూనె పొడి మరియు నుదురు దురద కోసం ఒక అద్భుతమైన మాయిశ్చరైజర్ పని చేసి వాటి యొక్క పరిపూర్ణ నివారణకు సహకరిస్తుంది. అందువలన, మునగ జుట్టుకు ఒక మంచి పోషకం.
మునగ ఉపయోగాలు
మునగ యొక్క అన్ని భాగాలు వాటి పాక (వంట) లేదా వైద్య ప్రయోజనాలు కోసం ఉపయోగిస్తారు. మునగ దక్షిణ భారత వంటకాల్లో అత్యంత సాధారణ భాగం. మునగ కొన్ని వంటలలో సలాడ్తో కూడా వినియోగిస్తారు. మునగ నూనెను సాధారణంగా వంటల కోసం కూడా ఉపయోగిస్తారు. కొందరు పరిశోధకుల ప్రకారం, మునగ నూనె మోనోసాచులేటెడ్ ఫ్యాటీ ఆసిడ్ల (MUFA లు, మంచి కొవ్వు) లో సమృద్ధిగా ఉంటుంది. అందువలన అది ఆలివ్ నూనెకు ఒక పరిపూర్ణ ప్రత్యామ్నాయంగా మారింది. మునగ నూనెను ఇప్పుడు శరీర లోషన్లు, లిప్ బాంలు, క్రిములు మొదలైన కొన్ని సౌందర్య సాధనాల యొక్క వాణిజ్య ఉత్పత్తిలో కూడా వాడుతున్నారు. కొన్ని బరువు తగ్గింపు వంటకాలలో మునగ నూనెను రసం మరియు టీ రూపాలలో తేనెతో కలిపి ఉపయోగిస్తారు.
మునగ యొక్క అధిక పోషక విలువ కోసం వాటిని ఎనర్జీ బార్లు మరియు ఎనర్జీ డ్రింక్స్ రూపంలో తయారుచేసి వాడుతున్నారు. మునగాకు పొడి, మునగ మాత్రలు, మరియు మునగ గుళికలు వంటి ఇతర ఉత్పత్తులు దాని ఔషధ మరియు ఆరోగ్యలక్షణాల కోసం కొన్ని ఆయుర్వేద వైద్యులు సూచిస్తున్నారు.
అదనంగా, మునగాకులు పశువుల మేతగా కూడా వాడబడుతున్నాయి. మరియు మొక్కల పెరుగుదలను పెంచడానికి గ్రోత్ హార్మోన్ గా మునగాకు సారాలు ఉపయోగంలో ఉన్నాయి.మునగ కాండం ఎరువు రూపంలో కూడా ఉపయోగించబడుతుంది.
మునగ మోతాదు
క్లినికల్ అధ్యయనాల లేకపోవడం వలన,మునగ కోసం ఎటువంటి సరైన మోతాదు లేదు. అందువల్ల, మీరు ఆరోగ్య సప్లిమెంట్ గా మునగాకు తీసుకోవలని చూస్తుంటే, మీ ఆయుర్వేద వైద్యుని సలహా తీసుకోవడం మంచిది.
మునగ దుష్ప్రభావాలు
- గర్భధారణ సమయంలో మునగ యొక్క భద్రతను నిర్ధారించడానికి గణనీయమైన పరిశోధన ఏది లేదు. కొన్ని అధ్యయనాలు మునగ లోని కొన్ని భాగాలు గర్భస్రావంకు కారణమవుతాయని సూచిస్తున్నాయి. గర్భిణీ స్త్రీలు ఏ రూపంలోనైనా మునగను తీసుకునే ముందు వారి వైద్యునితో విచారణ చాలా అవసరం.
- మునగ యొక్క హైపోగ్లైసీమిక్ ప్రభావాల వలన, రక్తంలో గ్లూకోజ్ స్థాయులు తగ్గించే ఔషధాలను ఇప్పటికే వాడుతున్న మధుమేహ రోగులకు సరికాదు.
- మునగ రక్తపోటును తగ్గిస్తుంది. సహజంగా తక్కువ రక్తపోటు కలిగి ఉన్నవారు లేదా రక్తపోటును నిర్వహించడానికి మందులు వాడుతున్న వారు, ఏ రూపంలోనైనా మునగను తీసుకునే ముందు మీ వైద్యుడిని సంప్రదించాలి.
- ముంగాకులను దీర్ఘకాలికంగా తీసుకోవడం కాలేయం మరియు మూత్రపిండాలు దెబ్బతినడానికి కారణమవుతుందని జంతు ఆధారిత అధ్యయనం సూచించింది. అందువల్ల మునగ యొక్క ఏ రకమైన మోతాదులో సూచించిన మోతాదు కంటే మించకూడదు.