Menthi Kura Tomato Curry:రుచికరమైన మెంతి టమాటో కూర ఎలా వండుకోవాలి

Menthi Kura Tomato Curry:కొన్ని రకాల ఆహార పదార్థాలను తయారు చేస్తున్నప్పుడు, కొన్ని మెంతి కూర ఆకులను కలుపుతాము. మెంతికూర కూర యొక్క రుచిని పెంచ‌డ‌మే కాకుండా ఆరోగ్యానికి కూడా మేలు చేస్తుంది. మెంతికూర చేదుగా ఉన్న‌ప్ప‌టికీ దీనిని ఆహారంలో భాగంగా తీసుకోవ‌డం వ‌ల్ల అనేక ప్ర‌యోజ‌నాలు లభిస్తాయి.

మెంతులు కొవ్వును కరిగించడంలో మరియు జీర్ణక్రియను మెరుగుపరచడంలో, అలాగే బరువును తగ్గించడంలోనూ మరియు రక్తహీనత ప్రమాదాన్ని తగ్గించడంలో చాలా ఉపయోగకరంగా ఉంటుంది. దీనిని కూరల్లో చేర్చడమే కాకుండా, మెంతికూరను ఉపయోగించి కూర కూడా చేయవచ్చును . మెంతికూరతో చేసిన టమాటా కూర చాలా రుచికరంగా ఉంటుంది. ఇది సిద్ధం చేయడం చాలా సులభం. ఈ రుచికరమైన మెంతి టొమాటో కర్రీని ఎలా తయారుచేయాలి.దీన్ని తయారుచేయడానికి అవసరమైన పదార్థాల గురించి తెలుసుకుందాము .

మెంతి టొమాటో కర్రీ తయారు చేయడానికి కావలసిన పదార్థాలు:-

తరిగిన మెంతికూర- ఒక కప్పు
తరిగిన టొమాటోలు- 4 (పెద్దది)
సన్నగా తరిగిన పొడవాటి ఉల్లిపాయలు – ఒకటి
కొత్తిమీర తరుగు- కొద్దిగా
పచ్చిమిర్చి- 2
అల్లం వెల్లుల్లి పేస్ట్ – 1 టేబుల్ స్పూన్
ఉప్పు- రుచికి సరిపడా
కారం- అర టీ స్పూన్,
పసుపు -అర టీ స్పూన్,
ఆవాలు- అర టీ స్పూన్
జీలకర్ర- పావు టీ స్పూన్
గరం మసాలా- సగం టీ స్పూన్
ధనియాల పొడి-ఒక టీ స్పూన్
నూనె- రెండు స్పూన్లు.

Menthi Kura Tomato Curry:రుచికరమైన మెంతి టమాటో కూర ఎలా వండుకోవాలి

మెంతి టమోటా కూర తయారు చేసే విధానం:-

మొదట గా స్టవ్ ఆన్ చేసుకొని దాని కడాయి పెట్టుకోవాలి. కడాయి వేడి అయిన తరువాత దానిలో నూనె పోసుకోవాలి. కడాయిలో నూనె కాగిన త‌రువాత జీలక‌ర్ర‌, ఆవాలు వేసి వేయించుకోవాలి. తరువాత ప‌చ్చి మిర్చి ముక్క‌లు మరియు ఉల్లిపాయ ముక్క‌లు వేసి వేయించాలి. ఈ మిశ్రమము ఉడికిన తరువాత అల్లం వెల్లుల్లి పేస్ట్ను వేసుకోవాలి.ఇప్పుడు దాని యొక్క ప‌చ్చి వాస‌న పోయే వ‌ర‌కు వేయించుకోవాలి .తరువాత తరిగిన మరియు శుభ్రం చేసిన మెంతికూర‌ను వేసి, రెండు నిమిషాల పాటు ఉడికించాలి.

ఆలా ఉడికిన మిశ్రమంలో టమోటాలు వేసి కలపాలి. కారం, పసుపు మరియు ఉప్పు వేసి కూడా కలపాలి. ఇప్పుడు ట‌మాటాలు పూర్తిగా ఉడికే వరకు కడాయి మీద మూత పెట్టి ఉంచాలి. ట‌మాటాలు ఉడికిన త‌రువాత గ‌రం మ‌సాలా, ధ‌నియాల పొడి వేసి కలిపి మరో 4 నిమిషాల పాటు మూత పెట్టి ఉడికించాలి. చివరగా ఆ మిశ్రమానికి కొత్తిమీర‌ చల్లి స్ట‌వ్ ఆఫ్ చేసుకోవాలి. ఇప్పుడు రుచిగా ఉండే మెంతికూర ట‌మాట క‌ర్రీ త‌యార‌వుతుంది

మెంతికూర ట‌మాట క‌ర్రీ అన్నం, చ‌పాతీ, రోటీ, పుల్కా వంటి వాటితో క‌లిపి తింటే చాలా రుచిగా ఉంటుంది. ఇది ఆరోగ్యానికి కూడా మేలు జ‌రుగుతుంది. మెంతికూరను ఆహారంలో చేర్చుకోవడం వల్ల గుండె ఆరోగ్యం మెరుగుపడుతుంది. మెంతికూర‌ పాలిచ్చే తల్లులలో పాల ఉత్పత్తిని పెంచగలవు. ఇది ఎముకలను బలోపేతం చేయడంలో మరియు మధుమేహాన్ని నియంత్రించడంలో కూడా ప్రయోజనకరంగా ఉంటుంది. మెంతికూరను క్రమం తప్పకుండా తీసుకోవడం వల్ల క్యాన్సర్ వచ్చే అవకాశాలు తక్కువగా ఉంటాయని నిపుణులు సూచిస్తున్నారు.

Originally posted 2022-10-23 10:27:47.