విటమిన్ బి12 వనరులు ప్రయోజనాలు మరియు దుష్ప్రభావాలు

విటమిన్ బి12  వనరులు ప్రయోజనాలు మరియు దుష్ప్రభావాలు 



విటమిన్ బి12 అనేది నీటిలో కరిగే విటమిన్, ఇది విటమిన్ బి కాంప్లెక్స్ లో ఒక భాగము. ఇది కొన్ని ఆహారపదార్థాల్లో సహజంగానే ఉంటుంది, మరియు ఇది ఒక ఆహార అనుబంధ పోషకముగా మరియు ప్రిస్క్రిప్షన్ మందుగా కూడా అందుబాటులో ఉంది. 

విటమిన్ బి12 అనేక ఆరోగ్య ప్రయోజనాలను కలిగియుంది. ఇది, రక్తహీనత యొక్క వృద్ధిని నిరోధించే ఎర్ర రక్తకణాలు రూపొందడానికి కీలకమైనది. విటమిన్ బి12 మీ చర్మము మరియు జుట్టుకు కూడా ప్రయోజనకరంగా ఉంటుంది. 

ఈ వ్యాసము, విటమిన్ బి12 యొక్క వనరులు మరియు దాని ప్రయోజనాలు, వయసు వారీగా సిఫారసు చేయబడిన రోజువారీ మోతాదుతో సహా చర్చిస్తుంది.

విటమిన్ బి12  వనరులు ప్రయోజనాలు మరియు దుష్ప్రభావాలు

  • విటమిన్ బి12 యొక్క వనరులు 
  • విటమిన్ బి12 ప్రయోజనాలు 
  • విటమిన్ బి12 రోజువారీ ఆవశ్యకత 
  • విటమిన్ బి12 లోపము 
  • విటమిన్ బి12 దుష్ప్రభావాలు 


విటమిన్ బి12 యొక్క వనరులు 

విటమిన్ బి12, సియానోకోబాలమిన్ మరియు మిథైల్‌కోబాలమిన్ అనే పేరుగల  వివిధ రూపాలలో లభిస్తుంది, తర్వాతది సహజంగా ఏర్పడుతుంది, కాగా మొదటిది ఒక అనుబంధ పోషకంగా లభిస్తుంది.

జంతుసంబంధిత ఉత్పత్తులలో దాగియున్న మిథైల్‌కోబాలమిన్ ఎక్కువ జైవిక లభ్యతలో ఉంటుంది మరియు ఇతర రూపముతో పోలిస్తే విటమిన్ బి12 యొక్క ప్రాధాన్యతా రూపముగా ఉంటుంది. ఇది శరీరముచే కూడా బాగా గ్రహించబడుతుంది మరియు ఎటువంటి తీవ్రమైన దుష్ప్రభావాలు కలగకుండా ఎక్కువ కాలంపాటు నిల్వ చేసుకోవచ్చు. మన శరీరము తన మామూలు విధులకు గాను ఎక్కువగా మిథైల్‌కోబాలమిన్ పై ఆధారపడుతుంది. అందువల్లనే, ఒకవేళ సియానోకోబాలమిన్ అనుబంధ పోషకాలు గనక ఎక్కువగా తీసుకుంటే, శరీరములో ఉపయోగము కొరకు అవి మిథైల్‌కోబాలమిన్ గా మార్పిడి చేయబడతాయి. 

విటమిన్ బి12 అనేక విధాల ఆహారాల్లో కనిపిస్తుంది, ప్రత్యేకించి జంతువనరుల నుండి గ్రహించిన ఆహారాల్లో. ఐతే, అదే విధంగా అనేక వేగాన్ మరియు శాకాహార ఆప్షన్లు కూడా ఉన్నాయి. ఈ రెండింటినీ ఇప్పుడు చూద్దాం.

  • విటమిన్ బి12 ఆహారాలు: జంతు వనరులు 
  • విటమిన్ బి12 ఆహారాలు: వేగాన్


విటమిన్ బి12 ఆహారాలు: జంతు వనరులు

విటమిన్ బి12, జంతు ఆహార పదార్థాలలో సహజంగానే ఉంటుంది. మీరు గనక ఒకవేళ మాంసాహారి అయినచో, మీరు ఈ క్రింది వనరులను మామూలు మీ దినసరి ఆహారములో చేర్చుకోవచ్చు:

  • పాలు మరియు క్రీము, మీగడ (రికోటా మీగడ, మొజ్జరెల్లా మీగడ, స్విస్ మీగడ), కొట్టం మీగడ (పనీర్), పెరుగు లేదా దహీ వంటి పాడి ఉత్పత్తులు
  • గ్రుడ్లు
  • సాల్మన్, ట్రౌట్, సర్దినెస్ లేదా టునా వంటి చేపలు
  • ష్రింప్
  • క్లామ్స్
  • ఓయిస్టెర్
  • పోర్క్ (పంది మాంసము)
  • కాలేయము
  • హ్యామ్
  • చికెన్ బ్రెస్ట్


విటమిన్ బి12 ఆహారాలు: వేగాన్ 

ఒకవేళ మీరు నిర్బంధంగా శాకాహార తిండి (వేగాన్) మీద (శాకాహారి, పాడి-లేని ఆహారం) ఉంటే, లేదా లాక్టోజ్ ను తట్టుకోలేనివారైతే (పాల ఉత్పత్తులను జీర్ణం చేసుకోలేకుంటే), మీరు మీ ఆహారములో ఈ క్రింది వనరులను చేర్చుకోవచ్చు:

ఆల్మండ్ పాలు
సోయా పాలు
కొబ్బరి పాలు
యీస్ట్
సమృద్ధపరచబడిన బ్రేక్‌ఫాస్ట్ సిరియల్స్
బచ్చలి కూర మరియు కాలే వంటి ఆకుపచ్చని ఆకుకూరలు
ఈ వనరులే కాకుండా, విటమిన్ బి12 అనుబంధ పోషకముగా కూడా లభ్యతలో ఉంది, అది శాకాహారులకు అవసరం కావచ్చు, ఐతే వైద్యుడి లిఖిత సలహా లేకుండా వాటిని తీసుకోకూడదు అని సిఫారసు చేయబడుతోంది. విటమిన్ బి12, బి కాంప్లెక్స్ అనుబంధ పోషకాల్లో కూడా ఉంది, దీనిని తీసుకోవడానికి కూడా వైద్యుడిని సంప్రదించాల్సి ఉంటుంది.


విటమిన్ బి12 ప్రయోజనాలు 

విటమిన్ బి12 అనేక విధులను నిర్వర్తిస్తుంది, అందువల్ల అది మీ శరీరానికి అత్యంత ఆవశ్యకమైన విటమిన్.

ఇది ఆర్.బి.సి (ఎర్ర రక్త కణాలు) లు ఏర్పడటానికి, సాధారణ కణ విభజనకు, మరియు ఎముకలు, చర్మము, దంతాలు మరియు గోళ్ళ యొక్క నిర్వహణకు అవసరము.

అది హోమోసిస్టీన్ యొక్క జైవిక క్రియకు కూడా ఆవశ్యకము, అది క్యాన్సర్ నివారణలో ఒక పాత్రను కలిగియుండవచ్చు. విటమిన్ బి12 యొక్క ఈ మరియు ఇతర ముఖ్య ఆరోగ్య ప్రయోజనాలు ఈ దిగువన వివరించబడ్డాయి.

చర్మము కొరకు: విటమిన్ బి12 చర్మము మరియు తలబుర్రకు తేమ కలిగించి ఉపశాంతినిస్తుంది. ఇది, ఎగ్జిమా మరియు హైపర్ పిగ్మెంటేషన్ వంటి చర్మ స్థితుల నివారణకు, దానితో పాటుగా గాయాలు మానిపోయే ప్రక్రియను పెంపొందించుటకు పేరెన్నిక గన్నది.

నోటి ఆరోగ్యమును పెంపొందిస్తుంది: విటమిన్ బి12 యొక్క లోపము, వరుసగా నోటి యొక్క లోపలి భాగాలు మరియు నాలుకపై మంట కలిగించే యాంగులర్ స్టొమటైటిస్ మరియు గ్లోసిటిస్ వంటి నోటి స్థితులతో కూడి ఉంటుంది. కాబట్టి, మీ ఆహారములో ఈ విటమిన్ ను తగినంత మొత్తములో తీసుకోవడం చాలా ముఖ్యము.

ప్రాణాంతకమైన రక్తహీనతను నివారిస్తుంది: ప్రాణాంతక రక్తహీనత అనేది విటమిన్ బి12 లోపము వల్ల ఎర్ర రక్త కణాలలో కలిగే తగ్గుదల. అది ఆయాసము, బలహీనత, మలబద్ధకము మరియు తలనొప్పిని కలిగిస్తుంది. సిఫారసు చేయబడిన విటమిన్ బి12 పరిమాణము తీసుకోవడం వల్ల ఈ స్థితిని నివారించుటకు వీలు కలుగుతుంది.
గుండె కొరకు: విటమిన్ బి12 యొక్క అనుకూలకరమైన స్థాయి, కార్డియోవాస్కులర్ వ్యవస్థపై హోమోసిస్టీన్ (ఒక ఎమినో ఆసిడ్) యొక్క వినాశక ప్రభావాలను నివారిస్తుంది, తద్వారా గుండె పోటులు మరియు స్ట్రోక్ యొక్క ముప్పును తగ్గిస్తుంది.
మెదడు కొరకు: బి12, మెదడు విధులను పరిరక్షించుటకు మరియు క్రుంగుబాటును నివారించుటకు ప్రసిద్ధి. ఇది అల్జీమర్స్ మరియు పార్కిన్సన్స్ వంటి నరాల డీజనరేటివ్ వ్యాధుల యొక్క ముప్పును కూడా తగ్గిస్తుంది.
మెనోపాజ్ దశ దాటిన మహిళల కొరకు:  విటమిన్ బి12, ఎముకలపై హోమోసిస్టీన్ యొక్క వినాశక ప్రభావాలను ఎదుర్కొంటుంది, లేదంటే అది  మెనోపాజ్ దశ దాటిన మహిళలలో ఎముకలు విరిగిపోయే ప్రమాదము మరియు ఓస్టియోపొరాసిస్ యొక్క ప్రమాదమును పెంచుతుంది. ఈ విటమిన్ యొక్క అనుకూలకరమైన స్థాయి రొమ్ము క్యాన్సర్ యొక్క ముప్పును తగ్గించుటలో సహాయకారిగా ఉంటుందని పరిశోధనా నిరూపణలు సూచిస్తున్నాయి.

  • చర్మము కొరకు విటమిన్ బి12 
  • నోటి ఆరోగ్యము కొరకు విటమిన్ బి12 
  • విటమిన్ బి12, విటమిన్ బి12 లోపము రక్తహీనతను నివారిస్తుంది 
  • గుండె కొరకు విటమిన్ బి12
  • కళ్ళ కొరకు విటమిన్ బి12 
  • మెదడు కొరకు విటమిన్ బి12 
  • విటమిన్ బి12 క్రుంగుబాటును తగ్గిస్తుంది
  • మహిళల కొరకు విటమిన్ బి12 


చర్మము కొరకు విటమిన్ బి12 

విటమిన్ బి12 అనేది మీ చర్మము, జుట్టు మరియు గోళ్ళకు ఒక కీలకమైన విటమిన్ మరియు వాటిని ఆరోగ్యంగా ఉంచుటలో సహాయపడుతుంది. ఇది చర్మము సరైన సజలీకరణ మరియు తగిన తేమను కలిగియుండేలా చూసుకుంటుంది, అలా చర్మము పొడిబారకుండా నివారించుటలో సహాయపడుతుంది. విటమిన్ బి12 తరచుగా చర్మ క్రీములు మరియు లోషన్లలో ఉంటుంది, మరియు పొడి చర్మము ఉండే వ్యక్తులకు ప్రయోజనకారిగా కనుగొనబడింది. ఈ కారణాల వల్ల, ఇది ఎగ్జిమా వంటి పొడి చర్మముతో కూడిన రుగ్మతలకు చికిత్స చేయుటలో మరియు నివారించుటలో కూడా ఉపయోగకరమైనదిగా ఉంటుంది. పైపూతగా విటమిన్ బి12 వాడకము, ఎగ్జిమాకు చికిత్సలో, ప్రత్యేకించి పిల్లలలో ప్రయోజనకరమైనదిగా కనుగొనబడింది.

 విటమిన్ బి12 యొక్క లోపము, చర్మం యొక్క హైపర్ పిగ్మెంటేషన్, వంటి ఇతర అనేక చర్మసంబంధిత చిహ్నాలతో (చర్మముపై ముదురు మచ్చలు ఏర్పడేలా అధికమైన పిగ్మెంటేషన్) మరియు విటిలిగో (మచ్చలలో చర్మం రంగు కోల్పోవుట)తో కూడి ఉంటుంది.

అయినప్పటికీ, విటమిన్ బి12 యొక్క లోపము కారణంగా చర్మము యొక్క హైపర్ పిగ్మెంటేషన్ ను వెనక్కి మళ్ళించవచ్చు. కండరాల లోపలికి ఇచ్చే సయానోకోబలామిన్ ఇంజెక్షన్లు పిగ్మెంటేషన్ ను తగ్గించగలవని మరియు ప్రభావిత ప్రదేశములో చర్మం రంగును మామూలు స్థితికి తీసుకువచ్చే సామర్థ్యం కలిగి ఉన్నాయని పరిశోధనా నిరూపణలు సూచించాయి.

ఇది కాకుండా, విటమిన్ బి12 గాయాలు మానేలా చేయుటలో సహాయపడుతుందని సుపరిచితము. చర్మముపై పైపూతగా విటమిన్ బి12, గాయము మానిపోయే శారీరక ప్రక్రియను పెంపొందిస్తుంది. విటమిన్ బి12 జుట్టు మరియు గోళ్ళ ఆరోగ్యాన్ని పెంపొందిస్తున్నందువల్ల, ఈ విటమిన్ యొక్క లోపము తరచుగా గోళ్ళు మరియు జుట్టు చిట్లిపోవడసనికి దారి తీస్తుంది. ఈ చిహ్నాలను నివారించుటకై, మీ ఆహారములో మరింత విటమిన్ బి12 ని చేర్చవలసిందిగా సలహా ఇవ్వబడుతోంది. మీ జుట్టు మరియు చర్మమును పెంపొందించుట కొరకు మీరు కౌంటర్ వద్ద ఉత్పత్తులను కూడా ఎంచుకోవచ్చు.


నోటి ఆరోగ్యము కొరకు విటమిన్ బి12 

ఇంతకుముందు చెప్పినట్లుగా, విటమిన్ బి12 మీ చర్మం మరియుమీ నోటి మ్యుకోసాను కలిగి ఉండే శ్లేష్మ పొరల ఆరోగ్యానికి ఆవశ్యకము.

ఈ విటమిన్ యొక్క లోపము సాధారణంగా ఈ క్రిందివాటితో కూడి ఉంటుంది:

యాంగులర్ స్టొమటైటిస్: నోటి అంగిళ్ళలో మంట కలుగుట
గ్లాస్సిటిస్: నాలుక యొక్క మంట
ఆఫ్థస్ అల్సర్లు మరియు ఆఫ్థస్ స్టొమటైటిస్: నోటి లోపల చిన్న మరియు ఇరుకైన చారికలు
అందువల్ల, ఈ స్థితులను నివారించడానికి మరియు మీ నోటి కుహరము యొక్క అత్యుత్తమ ఆరోగ్యాన్ని నిర్వహించుకోవడానికి గాను, విటమిన్ బి12 సమృద్ధంగా ఉన్న ఆహారాలను తీసుకోవలసిందిగా సిఫారసు చేయబడుతోంది.


విటమిన్ బి12, విటమిన్ బి12 లోపము రక్తహీనతను నివారిస్తుంది 

విటమిన్ బి12 లోపము గల రక్తహీనత లేదా పెర్నీషియస్ అనీమియాఅనేది, పేరులో ఉన్నట్టుగా విటమిన్ బి12 లోపము కారణంగా శరీరము తగినన్ని ఎర్ర రక్త కణాలను ఉత్పత్తి చేయలేని స్థితిలో ఉన్నప్పుడు కలుగుతుంది.

ఈ రకం రక్తహీనతలో, రక్తములో ఎర్రరక్తకణాలు మామూలు సంఖ్య కంటే తక్కువ సంఖ్యలో ఉంటాయి, అవి పెద్ద సైజులో ఉంటాయి. ఎర్ర రక్త కణాల విభజనలో విటమిన్ బి12 సహాయపడుతుంది, మరియు దీని లోపములో, ఎర్ర రక్తకణాలు పెద్దగా అవుతాయి మరియు సరిగ్గా రూపొందవు. విటమిన్ బి12 యొక్క ఆహార సంబంధిత లోపము వల్ల గానీ లేదా శరీరముచే తక్కువగా గ్రహించబడటం వల్ల గానీ ఇది ఏర్పడుతుంది.

వేగాన్లు లేదా శాకాహారులలో ఈ లోపము సర్వ సామాన్యంగా ఉంటుంది. అతిహానికరమైన రక్తహీనత (పర్నీషియస్ అనీమియా) యొక్క లక్షణాలు: ఆయాసము, కడుపులో వికారము, మలబద్ధకము, వాంతులు, తలనొప్పి మరియు నరాలు దెబ్బతినియున్న తీవ్రమైన కేసులలో, వ్రేళ్ళలో తిమ్మిరి భావన లేదా మొద్దుబారటం ఉంటుంది.

ఈ వ్యాధిని నివారించడానికి గాను, మీ ఆహారములో తగినంత పరిమాణములో విటమిన్ బి B12 తీసుకోవాల్సిందిగా సిఫారసు చేయడమైనది.


గుండె కొరకు విటమిన్ బి12

విటమిన్ బి12 యొక్క లోపము శరీరములో హోమోసిస్టీన్ యొక్క పెరిగిన స్థాయితో కూడి ఉంటుంది.  హోమోసిస్టీన్  అనేది శరీరములో ఉండే ఒక ఎమినో ఆసిడ్, దాని అధిక స్థాయిలు హానికరంగా ఉంటాయి. ఇది కార్డియోవాస్కులర్ రుగ్మతల ముప్పు ఎక్కువ కావడానికి కారణమవుతుంది మరియు గుండె పోటులకు సంభావ్య ముప్పుకారకంగా ఉంటుంది. రక్తములో హోమోసిస్టీన్ పెరిగిన స్థాయిలు గుండె పోటుతో సహా కార్డియోవాస్కులర్ రుగ్మతల ముప్పు ఎక్కువ కావడానికి కారణమవుతాయి మరియు  స్ట్రోక్  వచ్చే అవకాశాలను 20% పెంచుతాయి. ఈ అమినో ఆసిడ్ యొక్క అధిక స్థాయిలు విటమిన్ బి12 లోపముతో ముడిపడి ఉన్నందువల్ల, విటమిన్ బి12 సమృద్ధంగా ఉన్న ఆహారాలతో మీ తిండిని సుసంపన్నం చేయడం మీ గుండెపై ఒక రక్షణాత్మక పాత్రను పోషించవచ్చు.

విటమిన్ బి12 తో అనుబంధపోషకాన్ని అందించడం వల్ల గుండెపై ఒక రక్షణాత్మక ప్రభావం ఉండవచ్చనే ఈ భావనను పరిశోధనా నిరూపణలు కూడా బలపరచాయి. ఈ ఆవశ్యకతకు గాను, విటమిన్ బి12 లోపముతో బాధపడే అవకాశం ఎక్కువగా ఉన్న శాకాహారులకు ఈ అనుబంధ పోషకాలు తరచుగా వైద్యులచే సూచించబడుతున్నాయి. అయినప్పటికీ వారు వైద్యుని ప్రిస్క్రిప్షన్ లేకుండా వాటిని తీసుకోకూడదు.


కళ్ళ కొరకు విటమిన్ బి12 

ఇదివరకే పేర్కొనబడినట్లుగా, మీ శరీరములో అనేక ఇతర హానికారక ప్రభావాలు కలిగియున్న హోమోసిస్టీన్ స్థాయిల తగ్గుదలకు విటమిన్ బి12 సహాయపడుతుంది. హోమోసిస్టీన్ యొక్క పెరిగిన స్థాయిలు వయో- సంబంధమైన కండరాల నాశనము నకు లేదా కళ్ళలో AMD (వయసు పెరిగే కొద్దీ చూపు కోల్పోవుట/ మసకబారుట) కు ఒక ముప్పు కారకముగా కనుగొనబడింది. హోమోసిస్టీన్ యొక్క అధిక స్థాయిలు మరియు విటమిన్ బి12 యొక్క లోపము, మార్పు చేయగల ఒక ముప్పు కారకము, కండరాల నాశనము చోటు చేసుకోక ముందే మీ ఆహారములో విటమిన్ బి12 సమృద్ధంగా ఉన్న ఆహారాలను చేర్చడం ద్వారా దీనిని సరిచేసుకోవచ్చు. విటమిన్ బి 12 తో ప్రతిరోజూ అనుబంధపోషకాలను తీసుకుంటే AMD యొక్క ముప్పును తగ్గించవచ్చునని అనేక అధ్యయనాలు సూచించాయి. 


మెదడు కొరకు విటమిన్ బి12 

విటమిన్ బి12 తక్కువగా ఉన్న అల్పమైన ఆహారం తీసుకోవడం వల్ల, శరీరములో హోమోసిస్టీన్ స్థాయిలను పెంచే అవకాశం ఉంటుంది, అది   ఆల్జీమర్స్ లేదా మెదడుకు హాని కలిగించే డిమెన్షియా,వంటి తీవ్రమైన ఆరోగ్య సమస్యలకు హేతువు అవుతుంది. హోమోసిస్టీన్ యొక్క అధిక స్థాయి యొక్క ఇతర సాధారణ పర్యవసానాలుగా ఏకాగ్రత లోపము మరియు తీర్పరితనము లేమి ఉంటాయి. అయినప్పటికీ, వివిధ పరిశోధకుల ప్రకారము విటమిన్ బి12 మరియు ఫోలిక్ ఆసిడ్ యొక్క అనుబంధపోషకాహారాలతో ఈ ప్రభావాలను వెనక్కి మళ్ళించగలము. విటమిన్ బి 12 యొక్క సాధారణ స్థాయి ఉన్న వ్యక్తులలో సైతమూ ఇది సహాయకారిగా కనిపించింది.


విటమిన్ బి12 క్రుంగుబాటును తగ్గిస్తుంది

క్రుంగుబాటు అనేది, భారతీయ జనాభాలో 4.5% మందికి పైగా వ్యక్తులను ప్రభావితం చేస్తున్న విషాదము, ఆసక్తి లేకపోవడం మరియు నిరాశావాదము యొక్క ఎడతెగని భావనల ఒక భావనా రుగ్మత. గర్భధారణ కాలములో ఎడతెగని భావనల ఒడిదుడుకులు మరియు హార్మోను మార్పుల కారణంగా గర్భవతులలో క్రుంగుబాటు సంభవించే అవకాశం ఎక్కువగా ఉంటుంది. విటమిన్ బి12 యొక్క లోపము క్రుంగుబాటు మరియు విషాద భావనలను మరింతగా పెంచుతుంది.

కమ్యూనిటీ-వలస కుటుంబాల్లోని మహిళల్లో జరిపిన ఒక అధ్యయనములో, విటమిన్ బి12 యొక్క లోపము తీవ్రమైన క్రుంగుబాటు యొక్క ముప్పు రెట్టింపు పెరుగుదలకు కారణమయిందని తెలిసింది. క్రుంగుబాటుకు యాంటీడిప్రెసెంట్లతో కూడిన సాంప్రదాయక చికిత్సతో పాటుగా విటమిన్ బి12 తో అనుబంధపోషకము ఇవ్వడం కూడా దాని యాజమాన్యములో సహాయకారిగా కనుగొనబడింది.


మహిళల కొరకు విటమిన్ బి12 

విటమిన్ బి12 యొక్క లోపము మరియు హోమోసిస్టీన్ యొక్క పెరిగిన స్థాయి ఎముకల సాంద్రతపై ప్రభావము కలిగిఉంటుంది మరియు ఫ్రాక్చర్లు మరియు పడిపోయే ప్రమాదాలను పెంచుతుంది. ఈ ప్రభావాలు తరచుగా మహిళల్లో ఎక్కువగా కనిపిస్తాయి, మరియు విటమిన్ బి12 యొక్క లోపము ఒక గణనీయమైన, అయినా సరే ఓస్టియోపొరోసిస్కొరకు మార్చదగిన ప్రమాద కారకాంశముగా ఉంటుంది. విటమిన్ బి12 తక్కువ స్థాయిలో ఉన్న మహిళలు ఓస్టియోపొరాసిస్ ని వృద్ధి చేసుకునే సాధ్యత ఎక్కువగా ఉంటుందని ఋజువయింది.

మెనోపాజ్ అనంతర దశలోని మహిళల్లో విటమిన్ బి12 యొక్క స్థాయిలు అధికం కావడం వల్ల ఎముకల ఆరోగ్యం మెరుగవుతుందని మరియు ఫ్రాక్చర్ల ప్రమాదమును తగ్గిస్తుందనీ అధ్యయనాలు సూచించాయి. విటమిన్ బి12 యొక్క తక్కువ స్థాయిలు మహిళల్లో తరచుగా ఎముకల లేమికి, ప్రత్యేకించి తుంటి చుట్టూ ఎముకల లేమికి కారణమవుతుంది.

మహిళల్లో ఎముకల ఆరోగ్యమును పునరుద్ధరించుటయే కాకుండా, విటమిన్ బి12 కొన్ని రకాల క్యాన్సర్యొక్క తక్కువ ముప్పుతో కూడి ఉంటుంది. విటమిన్ బి12 ని తీసుకోవడం వల్ల రొమ్ము క్యాన్సర్యొక్క ముప్పు తక్కువగా ఉన్నట్లుగా అధ్యయనాలు చెబుతున్నాయి.

అందుకనే మహిళల ఆహారములో విటమిన్ బి12 యొక్క ఆహార వనరులను చేర్చడం ఎంతో ప్రయోజనకారిగా ఉంటుంది.


విటమిన్ బి12 రోజువారీ ఆవశ్యకత

మీ వయస్సు, బరువు, ఎత్తు మున్నగు వాటిపై ఆధారపడి విటమిన్ బి12 వివిధ పరిమాణాలలో శరీరమునకు అవసరమై ఉంటుంది. ఇవి విటమిన్ బి12 యొక్క సిఫార్సు చేయబడిన సగటు మోతాదులు:

పుట్టినప్పటి నుండి 6 నెలల వరకు- 0.4 mcg
7 నెలల నుండి 1 సంవత్సరము వరకు- 0.5 mcg
1 సంవత్సరము నుండి  3 సంవత్సరాల వరకు- 0.9 mcg
4 సంవత్సరాల నుండి 8 సంవత్సరాలు- 1.2 mcg
9 సంవత్సరాల నుండి 13 సంవత్సరాలు- 1.8 mcg
14 సంవత్సరాల నుండి 18 సంవత్సరాలు- 2.4 mcg
పెద్దల మోతాదు - 2.4 mcg
గర్భవతిగా ఉన్నప్పుడు మోతాదు - 2.6 mcg
ఈ ఆవశ్యకతలను భర్తీ చేసుకోవడానికి గాను మీరు ఆహారములో విటమిన్ బి12 యొక్క మరిన్ని ఆహార వనరులను చేర్చవచ్చు. మీ డాక్టరు గారిని సంప్రదించకుండా ఏవేని అనుబంధ పోషకాహారాలను తీసుకోవడం అనేది సలహా ఇవ్వబడదు.


విటమిన్ బి12 లోపము

విటమిన్ బి12 ని పరిమితంగా తీసుకోవడం వల్ల గానీ లేదా కొన్ని జీర్ణసంబంధిత రుగ్మతల కారణంగా శరీరము దానిని సరిగ్గా గ్రహించకపోవడం వల్ల గానీ విటమిన్ బి12 లోపము ఏర్పడుతుంది. ఇదివరకే పేర్కొన్నట్లుగా, విటమిన్ బి12 యొక్క లోపము పర్నీషియస్ ఎనీమియాకు దారితీయగలదు. దీని లోపము యొక్క ఇతర సామాన్య లక్షణాలు శక్తిహీనత, అలసట మరియు అవయవాల్లో తిమ్మిరి లేదా మొద్దుతనం భావనలు.

శాకాహారులు మరియు వయోవృద్ధులలో ఈ లోపము సర్వసామాన్యము కావున, ఈ విటమిన్ స్థాయిలు తగినంతగా నిర్వహించుకోవడానికై వాళ్ళు క్రమం తప్పని చెకప్ లు చేయించుకోవాల్సిందిగా సిఫారసు చేయడమైనది. భవిష్యత్తులో లోపాలను నివారించడానికి గాను, ప్రత్యేకించి పిల్లలు రెగ్యులర్ చెకప్ చేయించుకోవాలని సిఫారసు చేయడమైనది.


విటమిన్ బి12 దుష్ప్రభావాలు 

ఆహారసంబంధిత విటమిన్ బి12 వినియోగము మామూలుగా సిఫార్సు చేయబడిన రోజువారీ మోతాదుకు మించదు కాబట్టి ఎటువంటి దుష్ప్రభావాలనూ కలిగించే అవకాశం లేదు. 1 మి.గ్రా యొక్క అధిక మోతాదులు ఎటువంటి గమనించదగ్గ దుష్ప్రభావాలు లేని పర్నీషియస్ ఎనీమియా వంటి స్థితుల చికిత్సకు ప్రాధాన్యత ఇవ్వబడతాయి. అయినప్పటికీ, సైనకోబాలమిన్ ఇంజెక్షన్ తో కొన్ని దుష్ప్రభావాలు గమనించబడ్డాయి, అవి ఈ క్రింది విధంగా ఉంటాయి:

అతిసారము
కండరాల బలహీనత
కండరాల నొప్పులు
అయోమయము
పోలిడెప్సియా (అధిక దాహము)
పోలియూరియా (మూత్రవిసర్జనకు అధిక అవసరత)
తలనొప్పి
ఆయాసము
కాలిలో నొప్పి లేదా మంట (ఎర్రదనము మరియు వెచ్చదనము)
దగ్గు
తీవ్రమైన కేసులలో, ఎనాఫిలాక్సిస్ ప్రతిచర్య ఏర్పడవచ్చు, అందులో, తుమ్ములు, శ్వాస అందకపోవుట, చారికలు, వేగంగా గుండె కొట్టుకోవడం, శ్వాసించడం లేదా మ్రింగడం కష్టమగుట సంభవించవచ్చు.

ఒకవేళ ఈ దుష్ప్రభావాలలో దేనినైనా గమనించినట్లయితే తక్షణమే మీ డాక్టరు గారిని చూడాల్సిందిగా మిమ్మల్ని కోరడమైనది.

0/Post a Comment/Comments

Previous Post Next Post
ddddd