జలుబు,దగ్గును దూరం చేసే చిట్కాలు

జలుబు,దగ్గును  దూరం చేసే చిట్కాలు

వాతావరణం చల్లగా ఉంటే అందరికీ నచ్చుతుంది. కానీ, ఈ వాతావరణం కొంతమందికి ఆరోగ్య సమస్యలు తీసుకొస్తుంది. జ్వరం, దగ్గు, జలుబు వంటి వాటితో సతమతమవుతుంటారు. ఇందులో దగ్గు మరీ ఇబ్బంది పెడుతుంది. కానీ వాతావరణం ఒకటే మీ బాధకి కారణం కాదు.

గొంతు వెనకాల మ్యూకస్, ఏవో తెలియని చికాకు పెట్టే జీవులు జారుకున్నప్పుడు దగ్గు అసంకల్ప ప్రతీకార చర్యగా వస్తుంది. ఈ సమస్య మొదలైనప్పటి నుంచి సమస్యను తగ్గించే మార్గాలను వెతుకుతాం.. అయితే, కొన్ని ఇంటి చిట్కాల ద్వారా సమస్యను తగ్గించుకోవచ్చు.

దగ్గు అనేది శ్వాస మార్గాన్ని సాఫీగా ఉంచమని శరీరం ఇచ్చే సిగ్నల్..వసంత్ లాడ్ అనే రచయిత దగ్గు గురించి తన పుస్తకంలో ఇంటి చిట్కాల గురించి వివరిస్తూ...

“ఆయుర్వేదం దృష్టిలోనైతే, చాలామటుకు దగ్గులు పిత్త లేదా కఫాలు శ్వాస వ్యవస్థలో ఎక్కువైపోవడం వలన వస్తాయి, దిబ్బడ, శ్వాస సంబంధ మ్యూకస్ పొరకి చిరాకు వంటి లక్షణాలు కన్పిస్తాయి.” అన్నారు. ఈ స్థితిని సులభంగా దాటడానికి మార్గం అవసరంలేని పిత్తం లేదా కఫాన్ని తగ్గించడం కోసం ఆయన మరింత సలహాలు సూచించారు. దగ్గుని ప్రభావవంతంగా తగ్గించాలంటే, మొదటగా అది పొడి దగ్గా లేదా తడి కఫంతో కూడిన దగ్గా అనేది తేల్చుకోవాలి. పొడి దగ్గు అయితే గొంతులో చిరాకు వల్ల లేదా శ్వాసనాళాల వల్ల రావచ్చు.

తడి కఫంతో కూడిన దగ్గు అయితే శ్వాసనాళంలో కఫం లేదా అలాంటి ద్రవం నిండివుంటుంది, ఏదైనా శ్వాసకోస వ్యాధి అంటే న్యుమోనియా, బ్రాంకైటిస్, సైనసైటిస్, లేదా క్షయకి చెందిన లక్షణం కావచ్చు. ఆపకుండా దగ్గుతూనే ఉండటం వలన తరచూ ఛాతీ ప్రాంతం నొప్పిగా ఉండొచ్చు. మీరు నీటిని ఎక్కువగా తాగుతూ ఉండండి, నీరు మ్యూకస్ పొరలని తేమగా ఉంచి సులభంగా బయటకి పోయేలా చేస్తుంది.

పసుపు పాలు

ఆయుర్వేద నిపుణులు డాక్టర్ బిఎన్ సిన్హా దగ్గు సమస్య పోగొట్టుకునేందుకు రోజుకి రెండుపూటలా గ్లాసు పాలల్లో ½ టీ స్పూన్ పసుపు వేసుకుని తాగాలని సూచిస్తున్నారు. వదలని దగ్గుకి మరో ఇంటి చిట్కా ఏంటంటే ఇదే మిశ్రమానికి వెల్లుల్లి కలపటం. ఏముంది, వెల్లుల్లిలో ఒక పాయని తీసుకుని పాలతో కలిపి మరిగించి, తర్వాత ఒక చిటికెడు పసుపు వేయండి. ఇలాంటి పాలు ఎందుకు అవసరం అంటే అది మీ గొంతుని బాగు చేస్తుంది. వెల్లుల్లి బదులు అల్లం కూడా వేసుకోవచ్చు. రెండూ ఒకే విధంగా పనిచేస్తాయి. ఆగకుండా దగ్గుతుంటే ఉపశమనం కోసం రోజులో కొన్నిసార్లు పసుపునీళ్ళతో పుక్కిలించండి.

ఎందుకు పనిచేస్తుంది : పసుపులో కుర్క్యుమిన్ అనే పదార్థం ఉంటుంది, ఇది వైరస్,బ్యాక్టీరియా, వాపు వంటి లక్షణాలని తగ్గించటంలో సాయపడతాయి. అల్లం, వెల్లుల్లి టాన్సిల్స్ ప్రాంతంలో దిబ్బడను తగ్గించి సహజ నొప్పి నివారుణుల్లా పనిచేస్తాయి. మీరు నిద్రపోయే ముందు దీనిని తాగితే ఏ రకమైన చిరాకు కలగదు. ఇంకా, వేడి పాలైతే ఛాతీ నుండి మ్యూకస్ ను పైకి లాక్కొస్తాయి కూడా. దీంతో మీరు రిలీఫ్ అవుతారు.

 తిప్పతీగ రసం

దగ్గు తీవ్రంగా ఉంటే, “2 చెంచాల తిప్పతీగ రసాన్ని నీటిలో కలిపి దగ్గు తగ్గేవరకూ ప్రతిరోజూ ఉదయాన్నే తాగండి,” అని సలహా ఇస్తున్నారు డాక్టర్ సిన్హా.

ఎందుకు పనిచేస్తుంది : ఇది రోగనిరోధకశక్తిని పెంచుతుంది, మూడు దోషాలైన – వాత, పిత్త, కఫాల మధ్య సమన్వయం తెస్తుంది. అలెర్జీ వ్యతిరేక గుణాలు కూడా ఉండటంతో పొగ, కాలుష్యం లేదా పుప్పొడి వల్ల వచ్చిన దగ్గుకి మందులా పనిచేస్తుంది.

 తేనె + యష్టిమధురం +దాల్చినచెక్క

"1/4 చెంచా తేనె,1/4 చెంచా యష్టిమధురం పొడి, ¼ చెంచా దాల్చిన చెక్క పొడి నీళ్లలో కలిపి రోజుకి రెండుసార్లు పొద్దున, సాయంత్రం తీసుకుంటే మంచి ఫలితాలు ఉన్నాయి.” అని అంటున్నారు డాక్టర్ బిఎన్ సిన్హా.

ఎందుకు పనిచేస్తుంది : తేనె వాపులని తగ్గిస్తుంది. పెన్ స్టేట్ కాలేజ్ ఆఫ్ మెడిసిన్ లో 2007 లో జరిగిన ఒక అధ్యయనంలో బయట దొరికే అనేక దగ్గు మందులకన్నా తేనె చాలా ప్రభావవంతమైనదని, అందులో దగ్గుని తగ్గించే డెక్స్ట్రో మెథోర్ఫాన్ ఉంటుందని తేలింది.

 నల్ల మిరియాలు

దగ్గ వేధిస్తుంటే, మిరియాల కషాయం మంచి ఉపశమనాన్ని ఇస్తుంది. ½ చెంచా నల్ల మిరియాల పొడిని దేశవాళి నెయ్యితో కలిపి కడుపు నిండుగా ఉన్నప్పుడు తీసుకోవాలి.

ఎందుకు పనిచేస్తుంది: వేడి చేసే గుణం కఫాన్ని తొలగించటంలో సాయపడుతుంది. ఈ కషాయాన్ని కనీసం రోజుకి రెండు మూడు సార్లు తీసుకుంటే మంచి ఫలితం ఉంటుంది.

పిల్లలకి దానిమ్మ రసం

వసంత్ లాడ్ తను రాసిన పుస్తకంలో, పిల్లల గురించి మంచి చిట్కా చెప్పారు. వారికి ½ కప్పు దానిమ్మ రసం, చిటికెడు అల్లం పొడి అలాగే పిప్పాలి పొడిని కలిపి ఇవ్వొచ్చు.

ఎందుకు పనిచేస్తుంది : పిప్పాలి ఒక చైతన్యాన్ని పెంచే ఆయుర్వేద మూలిక. దానిమ్మ రసం గొంతుపై తీవ్ర ప్రభావం చూపదు, అలాగే అల్లం వేడిచేస్తుంది. దానిమ్మ విటమిన్ ఎ, సి రోగనిరోధక శక్తిని పెంచుతాయి కూడా. కావాలంటే అల్లం బదులు నల్ల మిరియాలు కూడా వాడవచ్చు.

 మసాలా టీ

వేడి వేడి మసాలా టీ, దగ్గుని సహజంగా తగ్గిస్తుంది. ½ చెంచా అల్లం పొడి, చిటికెడు దాల్చిన చెక్క పొడి, కొన్ని లవంగాలు మీ టీకి జతచేయండి.

ఎందుకు పనిచేస్తుంది : ఈ మూడు దినుసులు శరీరం లోపలనుండి సమస్యను తగ్గిస్తాయని ప్రసిద్ధి. ఈ వేడిచేసే దినుసులు దిబ్బడను తగ్గించి, ఊపిరితిత్తుల్లో కఫం తగ్గేలా చేస్తాయి. అలాగే జలుబును కూడా తగ్గిస్తాయి.

చిన్న చిట్కా : రాత్రి సమయాల్లో దగ్గు ఎక్కువగా ఉంటుంది. ఎందుకంటే.. ముక్కులోని మ్యూకస్ మీరు పడుకుని ఉన్నప్పుడు గొంతులోకి జారుతుంది. ఇలా కాకుండా ఉండాలంటే తలని కొంచెం ఎత్తులో ఉండేలా జాగ్రత్త తీసుకుని పడుకోవాలి. అప్పుడే దగ్గు తగ్గి.. హాయిగా నిద్రపోతారు.

జలుబు,దగ్గును  దూరం చేసే చిట్కాలు

• వాతావరణం చల్లగా వున్నా, వర్షం పడుతున్నా కొందరిని జలుబు, దగ్గు ఇబ్బంది పెడుతుంది. అలాంటివారు ఈ చిట్కాలు పాటిస్తే సరిపోతుంది.
• మిరియాలు, బెల్లాన్ని కాసింత పరగడపున తీసుకుంటే దగ్గు తగ్గిపోతుంది.
• జీలకర్ర, కలకండను నమిలి తింటే దగ్గు నయం అవుతుంది. నాలుగు మిరియాలు, ఇరు దాల్చిన చెక్కల్ని నెయ్యిలో వేపి పొడి చేసి ఓ తమలపాకులో మడిచి తీసుకుంటే దగ్గును దూరం చేసుకోవచ్చు.
• నాలుగు మిరియాలు కాసింత బియ్యాన్ని ఉడికించి తీసుకుంటే దగ్గుకు చెక్ పెట్టవచ్చు.
• బ్రష్ చేసిన తర్వాత తేనెను చిగుళ్లపై రాసుకోవాలి. కొద్దిసేపటి తర్వాత కడిగేస్తే దంతాల్లోని క్రిములు నశిస్తాయి. కొబ్బరి నూనెను రోజుకు వీలైనన్ని సార్లు పెదాలకు రాసుకుంటే పొడిబారకుండా ఉంటాయి.
• తులసీ ఆకులను ఎండబెట్టి పొడి చేసుకుని వేడినీటిలో కషాయంలో వేసుకుని తాగితే, లేదా టీ ఆకులతో చేర్చితే ఆకలిలేమిని దూరం చేసుకోవచ్చు.