Dry Fruit Laddu:డ్రై ఫ్రూట్స్ లడ్డు రోజుకు ఒకటి తీసుకుంటే రోగాలను దూరం చేసుకోవచ్చు
Dry Fruit Laddu :డ్రై ఫ్రూట్స్ మనం తీసుకునే వివిధ రకాల ఆహారాలలో ఒకటి. అవి చాలా ఖరీదైనవి కాబట్టి ప్రజలు వాటిని తినడానికి ఇష్టపడరు. అయితే వాటిని లడ్డూలుగా తయారు చేసి తీసుకోవచ్చును . రోజుకు ఒక్క లడ్డు తింటే చాలు. అన్ని డ్రైఫ్రూట్స్‌లో ఉండే పోషకాలు పొందవచ్చును . వీటిని ఎక్కువ కాలం నిల్వ ఉంచి తర్వాత కూడా తినవచ్చు. దీని ద్వారా డబ్బు కూడా సంపాదించవచ్చు. డ్రై ఫ్రూట్స్‌ను ఉపయోగించి లడ్డూలను ఎలా తయారు చేయాలో ఇప్పుడు తెలుసుకుందాం.
డ్రై ఫ్రూట్ లడ్డూ తయారీకి కావలసిన పదార్థాలు:-
బాదం, జీడిపప్పు , పిస్తాపప్పులు మరియు వాల్‌నట్‌లు, ఎండుద్రాక్ష, ఖర్జూరం, అత్తి పండ్లను 50 గ్రాముల బరువుతో తీసుకోవాలి. నెయ్యి – 1/2 కప్పు, యాలకుల పొడి తగినంత.
Dry Fruit Laddu:డ్రై ఫ్రూట్స్ లడ్డు రోజుకు ఒకటి తీసుకుంటే రోగాలను దూరం చేసుకోవచ్చు
డ్రై ఫ్రూట్ లడ్డూలను ఎలా తయారు చేయాలి
ముందుగా పెనంలో నెయ్యి వేసి వేడయ్యాక జీడిపప్పు, పిస్తా, వాల్‌ నట్స్‌ బాదం పప్పు ను వేసి వేయించాలి. ఇవి వేగాక బయటకు తీసి పక్కన పెట్టాలి. మళ్లీ పాన్ లో కాస్త నెయ్యి వేసి వేడయ్యాక కిస్మిస్‌, అంజీర్‌, ఖర్జూరం పండ్లను కూడా వేసి వేయించాలి. ఇవి కూడా వేగాక పక్కన పెట్టాలి. అన్నీ చల్లగా అయ్యాక బాగా కలిపి మిక్సీలో వేసి కాస్త పలుకుగా ఉండేలా పట్టుకోవాలి.
అలా మిక్సీ పట్టిన మిశ్రమంలో మళ్లీ కాస్త వేడి చేసిన నెయ్యిని వేయాలి. దానికి తగినంత యాలకుల పొడిని వేసి కూడా కలపాలి. మిశ్రమం గోరువెచ్చగా అయ్యాక, చేతులకు నెయ్యి రాసి, కొద్దిగా తీసుకుని లడ్డూలుగా వత్తుకోవాలి . ఇలా మిశ్రమం మొత్తం అయిపోయే వరకు లడ్డూలను చేయాలి. దీంతో డ్రై ఫ్రూట్స్ లడ్డూలు తయారవుతాయి.
వీటిని గాలి చొరబడని డబ్బాలో నిల్వ ఉంచితే పది రోజుల వరకు ఉంటాయి. ప్రతిరోజూ కనీసం వీటిలో ఒకటి తింటే సరిపోతుంది. రోగనిరోధక శక్తిని పెంపొందిస్తుంది.వివిధ రకాల అనారోగ్యాలను ముందుగానే నివారించవచ్చు. అందరూ ఈ లడ్డూలను తినడానికి ఇష్టపడతారు.